Covid-19 updates: 62 వేల కొత్త కేసులు.. 1500 మరణాలు

దేశంలో కరోనా కేసులు తగ్గుముఖం పడుతున్నాయి. కొత్తగా 62,480 మందికి కొవిడ్ సోకింది. వైరస్​ బారినపడి మరో 1,587 మంది మరణించారు. దేశంలో యాక్టివ్​ కేసుల సంఖ్య 8 లక్షలకు దిగొచ్చింది.

దేశంలో కొవిడ్ ఉద్ధృతి క్రమంగా తగ్గుముఖం పడుతోంది. కొత్తగా 62,480 మంది వైరస్ బారినపడ్డారు. మహమ్మారి ధాటికి మరో 1,587మంది ప్రాణాలు కోల్పోయారు. 88,977మంది వైరస్​ నుంచి కోలుకున్నారు. గత 73రోజుల్లో దేశంలో 8 లక్షల యాక్టివ్​ కేసులకు తగ్గడం ఇదే తొలిసారి.

• మొత్తం కేసులు: 2,97,62,793
• మొత్తం మరణాలు:3,83,490
• కోలుకున్నవారు: 2,85,80,647
• యాక్టివ్ కేసులు:7,98,656

వ్యాక్సినేషన్​​:

దేశంలో మొత్తంగా 26,89,60,399 వ్యాక్సిన్ డోసులు అందించినట్లు కేంద్ర ఆరోగ్య శాఖ తెలిపింది.

ఇవీ చదవండి:53% కొవిడ్ మరణాలు ఆ 45 రోజుల్లోనే!