దేశంలో 50వేలకు దిగువన కొత్త కరోనా కేసులు

దేశంలో కరోనా కేసులు క్రమంగా తగ్గుముఖం పట్టాయి. కొత్తగా 48,698 మందికి కొవిడ్​ సోకినట్లు తేలింది. మరో 1,183 మంది మరణించారు.

దేశంలో రోజువారీ కరోనా కేసుల సంఖ్య పోల్చితే తగ్గుముఖం పట్టాయి. కొత్తగా 48,698 మంది వైరస్ బారిన పడ్డారు. కాగా, మహమ్మారి ధాటికి మరో 1,183 మంది ప్రాణాలు కోల్పోయారు. వైరస్ నుంచి 64,818 మంది కోలుకున్నారు.

• మొత్తం కేసులు:3,01,83,143
• మొత్తం మరణాలు:3,94,493
• కోలుకున్నవారు:2,91,93,085
• యాక్టివ్ కేసులు:5,95,565

ఇదీ చదవండి :టీకాలు డెల్టాప్లస్​ వేరియంట్​ను అడ్డుకోలేవా?

మొత్తం టెస్టులు..

దేశవ్యాప్తంగా ఇప్పటివరకు 40,18,11,892 మందికి కరోనా పరీక్షలు నిర్వహించినట్లు ఐసీఎంఆర్ తెలిపింది. శుక్రవారం ఒక్కరోజే 17,45,809 మందికి కొవిడ్​-19 పరీక్షలు చేసినట్లు పేర్కొంది.

వ్యాక్సినేషన్​..

దేశవ్యాప్తంగా ఇప్పటివరకు 31,50,45,926 వ్యాక్సిన్​ డోసులు పంపిణీ చేసినట్లు కేంద్ర వైద్య, ఆరోగ్య శాఖ తెలిపింది. శుక్రవారం ఒక్కరోజే.. 61,19,169 మందికి వ్యాక్సిన్ అందినట్లు పేర్కొన్నారు.

ఇదీ చదవండి :'టీకాల విషయంలో దేశీయ అవసరాలే తొలి ప్రాధాన్యం'