Corona Cases In India: దేశంలో కొత్తగా 26,041 మందికి కరోనా

దేశంలో రోజువారీ కరోనా కేసుల సంఖ్య (Corona cases in India) స్వల్పంగా తగ్గాయి. తాజాగా 26,041 మందికి కొవిడ్​ (Coronavirus update) పాజిటివ్​గా తేలింది. మరో 276 మంది ప్రాణాలు కోల్పోయారు. ఒక్కరోజే 29,621 మంది వైరస్​ను జయించారు.

భారత్​లో కరోనా కేసులు(Coronavirus update) స్వల్పంగా తగ్గాయి. కొత్తగా 26,041 మంది​ కొవిడ్​​​ (Corona cases in India) బారినపడ్డారు. మరో 276 మంది మృతిచెందారు. ఒక్కరోజే 29,621 మంది కరోనా నుంచి కోలుకున్నారు.

• మొత్తం కేసులు:3,36,78,786
• మొత్తం మరణాలు:4,47,194
• మొత్తం కోలుకున్నవారు:3,29,31,972
• యాక్టివ్ కేసులు:2,99,620

దేశవ్యాప్తంగా నమోదైన కొవిడ్​ కేసుల్లో అత్యధికంగా కేరళలోనే నమోదవుతున్నాయి. ఆదివారం ఒక్కరోజే 15,951మందికి వైరస్ నిర్ధరణ అయింది. మరో 165 మంది ప్రాణాలు కోల్పోయారు. మహారాష్ట్ర, కర్ణాటక, తమిళనాడు రాష్ట్రాల్లోనూ ఓ మోస్తారుగా కొవిడ్​ కేసులు వెలుగుచూస్తున్నాయి. పూర్తి కథనం కోసం ఇక్కడ క్లిక్​ చేయండి.

టీకాల పంపిణీ..

దేశంలో ఇప్పటివరకు 86,01,59,011 టీకా డోసులను (covid vaccination) పంపిణీ చేసినట్లు కేంద్ర ఆరోగ్య మంత్రిత్వ శాఖ పేర్కొంది. ఆదివారం ఒక్కరోజే 38,18,362 వ్యాక్సిన్​ డోసులను లబ్ధిదారులకు అందించినట్లు తెలిపింది.

ప్రపంచ దేశాల్లో..

ప్రపంచవ్యాప్తంగా రోజువారి కరోనా కేసుల సంఖ్య (Global corona virus update) స్వల్పంగా తగ్గింది. తాజాగా 3,23,764 మందికి కొవిడ్​ ​(Corona update) సోకింది. వైరస్​​ ధాటికి మరో 4,965 మంది మృతి చెందారు. ఫలితంగా మొత్తం కేసుల సంఖ్య 23,25,97,787కు చేరింది. మొత్తం మరణాల సంఖ్య 47,61,895కు పెరిగింది.

వివిధ దేశాల్లో కొత్త కేసులు..

• అమెరికా - 24,343
• రష్యా - 22,498
• బ్రిటన్ - 32,417
• టర్కీ - 25,861
• ఇరాన్ - 13,792
• బ్రెజిల్​ - 8,668

ఇదీ చూడండి:నేడు భారత్ బంద్​- అప్రమత్తమైన పోలీసులు