దేశంలో కొత్తగా మరో 16,946 కేసుల- 198 మరణాలు

దేశవ్యాప్తంగా కొత్తగా 16,946 మంది కరోనా బారిన పడ్డారు. మరో 198మంది వైరస్​తో ప్రాణాలు కోల్పోయారు. తాజాగా 17వేల మందికిపైగా మహమ్మారిని జయించగా.. రికవరీ రేటు 96.52శాతానికి చేరింది.

దేశంలో కరోనా కేసులు సంఖ్య స్వల్పంగా పెరిగింది. తాజాగా 16,946 మందికి కొవిడ్ పాజిటివ్​గా నిర్ధరణ అయింది. మొత్తం బాధితుల సంఖ్య 1 కోటి 5లక్షల 12వేల 093కు పెరిగింది. వైరస్ ధాటికి మరో 198 మంది బలవ్వగా.. మృతుల సంఖ్య 1లక్షా 51వేల 727కి చేరింది.

రికవరీ రేటు ఇలా..

తాజాగా 17వేల మందికిపైగా వైరస్ నుంచి కోలుకున్నారు. ఫలితంగా కరోనాను జయించిన వారి సంఖ్య 1కోటి 1లక్ష 46వేల 763కి చేరింది. 2లక్షల 13వేల 603 యాక్టివ్ కేసులున్నాయి. దేశవ్యాప్తంగా రికవరీ రేటు 96.52 శాతానికి ఎగబాకింది. మరణాల రేటు 1.44 శాతంగా నమోదైనట్టు కేంద్ర ఆరోగ్యశాఖ తెలిపింది.

దేశవ్యాప్తంగా బుధవారం ఒక్కరోజే 7లక్షల 43వేలకు పైగా నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్) తెలిపింది. ఫలితంగా మొత్తం టెస్టుల సంఖ్య 18కోట్ల 42లక్షలు దాటింది.