దేశంలో కరోనా కేసులు క్రమంగా తగ్గుముఖం పడుతున్నాయి. దేశవ్యాప్తంగా కొత్తగా 12,923 కొవిడ్ కేసులు వెలుగుచూశాయి. మరో 108 మంది ప్రాణాలు కోల్పోయారు. 11,764 మంది వైరస్ నుంచి కోలుకుని ఇళ్లకు వెళ్లినట్లు కేంద్ర వైద్య, ఆరోగ్య శాఖ తెలిపింది.
మొత్తం కేసులు:1,08,71,294
యాక్టివ్ కేసులు:1,42,562
కోలుకున్నవారు:1,05,73,372
మరణాలు:1,55,360
దేశవ్యాప్తంగా బుధవారం ఒక్కరోజులో 6,99,185 నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్) తెలిపింది. మొత్తం పరీక్షలు 20.40 కోట్లకు చేరినట్లు వెల్లడించింది.
దేశవ్యాప్తంగా కొవిడ్ వ్యాక్సిన్ తీసుకున్నవారి సంఖ్య 70,17,114కు చేరింది.
