దేశంలో కొత్తగా 11,067 కొవిడ్ కేసులు

దేశంలో కొత్తగా 11,067 కరోనా కేసులు వెలుగుచూశాయి. మొత్తం బాధితుల సంఖ్య 1 కోటి 8 లక్షల 58 వేలు దాటింది. వైరస్​ సోకిన వారిలో మరో 13,087 మంది కోలుకున్నారు.

దేశవ్యాప్తంగా కొత్త కరోనా కేసుల సంఖ్య స్వల్పంగా తగ్గుతోంది. తాజాగా 11,067 మంది వైరస్​ బారినపడ్డారు. మహమ్మారి సోకిన వారిలో మరో 94 మంది చనిపోయారు.

• మొత్తం కేసులు:1,08,58,371
• యాక్టివ్ కేసులు:1,41,511
• కోలుకున్నవారు:1,05,61,608
• మొత్తం మరణాలు:1,55,252

కొవిడ్​ బారినపడిన వారిలో మరో 13,087 మంది కోలుకున్నారని కేంద్ర ఆరోగ్య శాఖ గణాంకాలు వెల్లడించాయి.

దేశవ్యాప్తంగా మంగళవారంఒక్కరోజే 7 లక్షల 36 వేల 903 నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్​) తెలిపింది. దీంతో మొత్తం టెస్ట్​ల సంఖ్య 20.33 కోట్లు దాటింది.

దేశీయంగా ఇప్పటివరకు సుమారు 66 లక్షల మంది లబ్ధిదారులకు టీకా అందించినట్టు స్పష్టం చేసింది ఆరోగ్య శాఖ.

ఇదీ చదవండి:రాజస్థాన్​లో రోడ్డు ప్రమాదం.. నలుగురు మృతి