దేశంలో తగ్గిన కేసులు.. మరో 10వేల మందికి కరోనా

దేశంలో మరో పది వేల కరోనా కేసులు బయటపడ్డాయి. 78మంది మరణించారు. సోమవారం 13వేల మందికి పైగా కోలుకున్నారు.

దేశంలో కరోనా కేసులు తగ్గుముఖం పట్టాయి. తాజాగా మరో 10,584 కరోనా కేసులు వెలుగులోకి వచ్చాయి. మరో 78మంది మరణించారు. దీంతో దేశవ్యాప్తంగా ఇప్పటివరకు నమోదైన కొవిడ్ కేసుల సంఖ్య కోటి 10 లక్షల 16 వేలకు చేరింది. మరణాల సంఖ్య 1,56,463కి చేరుకుంది. సోమవారం 13,255 మంది కోలుకున్నట్లు కేంద్ర వైద్య శాఖ వెల్లడించింది.

• మొత్తం కేసులు: 1,10,16,434‬
• యాక్టివ్ కేసులు: 1,47,306
• రికవరీలు: 1,07,12,665

మరోవైపు, సోమవారం 6 లక్షల 28 వేల 696 మందికి టీకా అందించినట్లు కేంద్ర వైద్య శాఖ గణాంకాలు స్పష్టం చేస్తున్నాయి. ఫలితంగా మొత్తం టీకా లబ్ధిదారుల సంఖ్య 1,17,45,552కి చేరింది.

ఇదీ చదవండి:మధ్యప్రదేశ్​ రోడ్డు ప్రమాదంలో ఆరుగురు మృతి