కొవిడ్ పంజా: దేశంలో మరో 81,466 కేసులు

దేశంలో కరోనా అంతకంతకూ విజృంభిస్తోంది. గురువారం ఒక్కరోజే 81,466‬ మంది వైరస్​ బారినపడ్డారు. కొవిడ్​ కారణంగా మరో 469 మంది ప్రాణాలు కోల్పోయారు.

దేశవ్యాప్తంగా కొవిడ్​-19 కేసులు భారీగా పెరుగుతున్నాయి. కొత్తగా 81,466 కేసులు వెలుగుచూశాయి. మరో 469 మంది మహమ్మారికి బలయ్యారు.

• మొత్తం కేసులు: 1,23,03,131‬
• మొత్తం మరణాలు: 1,63,396
• కోలుకున్నవారు: 1,15,25,039
• యాక్టివ్​ కేసులు: 6,14,696

వైరస్​ సోకిన వారిలో 50,356 మంది కోలుకున్నారు. దేశవ్యాప్త రికవరీ రేటు 93.68 శాతంగా, మరణాల రేటు 1.33 శాతంగా నమోదైనట్టు కేంద్ర ఆరోగ్యశాఖ గణాంకాలు వెల్లడిస్తున్నాయి.

దేశవ్యాప్తంగా గురువారం ఒక్కరోజే 11లక్షల 13వేల నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్​) తెలిపింది. దీంతో మొత్తం టెస్ట్​ల సంఖ్య 24కోట్ల 59లక్షలు దాటింది.

తాజాగా.. 36.71 లక్షల మందికి వ్యాక్సిన్​ సరఫరా చేసినట్టు ఆరోగ్య శాఖ ప్రకటించింది. ఇప్పటివరకు టీకా పొందిన లబ్ధిదారుల సంఖ్య 6.87 కోట్లకు చేరింది.

ఇదీ చదవండి:మహారాష్ట్రలో కరోనా పంజా- కొత్తగా 43 వేల కేసులు