కరోనా పంజా- కొత్తగా 2 లక్షల 34 వేల కేసులు

భారత్​లో కరోనా విజృంభణ కొనసాగుతుంది. కొత్తగా 2,34,692 మందికి వైరస్ సోకగా.. 1,341 మంది మరణించారు. లక్షా 23 వేల మందికిపైగా వైరస్​ను జయించారు.

దేశంలో కొవిడ్ ఉద్ధృతి పెరుగుతోంది. కొత్తగా 2,34,692 మందికి వైరస్​​ సోకింది. మరో 1,341 మంది చనిపోయారు. 1,23,354 మంది వైరస్​ నుంచి కోలుకున్నారు. కరోనా​ను కట్టడి చేసేందుకు పలు రాష్ట్రాలు కఠిన ఆంక్షలు విధిస్తున్నాయి.

• మొత్తం కేసులు:1,45,26,609
• మొత్తం మరణాలు:1,75,649
• కోలుకున్నవారు:1,26,71,220
• యాక్టివ్​ కేసులు:16,79,740

దేశంలో మొత్తంగా 11 కోట్ల 99 లక్షలకుపైగా టీకా డోసులు పంపిణీ చేసినట్లు అధికారులు తెలిపారు.

కొవిడ్​ వ్యాప్తి కట్టడిలో భాగంగా శుక్రవారం ఒక్కరోజే 14,95,397 నమూనాలను పరీక్షించినట్లు ఐసీఎంఆర్​ తెలిపింది. దీంతో మొత్తం కొవిడ్​ టెస్ట్​ల సంఖ్య 26 కోట్ల 49 లక్షలు దాటింది.

ఇదీ చదవండి:అందరికీ టీకా అందేదెప్పుడు?