దేశవ్యాప్తంగా మరో 22,854మందికి కరోనా​

దేశంలో కరోనా మరోసారి విజృంభిస్తోంది. కొత్తగా 22,854 వైరస్​ కేసులు నమోదయ్యాయి. మరో 126 మంది మరణించారు. కొవిడ్​ బారినపడిన వారిలో మరో 18వేల మందికిపైగా కోలుకున్నారు.

దేశంపై కరోనా వైరస్​ మరోసారి పంజా విసురుతోంది. రోజురోజుకు కేసుల సంఖ్య పెరుగుతోంది. ఒక్కరోజులోనే 22,854 మందికి కొవిడ్​ పాజిటివ్​గా నిర్ధరణ అయింది. బాధితుల సంఖ్య 1కోటీ 12లక్షల 85వేలు దాటింది. మరో 126మంది మహమ్మారికి బలయ్యారు.

• మొత్తం కేసులు: 1,12,85,561
• మొత్తం మరణాలు: 1,58,189
• యాక్టివ్ కేసులు: 1,89,226
• కోలుకున్నవారు: 1,09,38,146

తాజాగా సుమారు 18వేల 100 మంది వైరస్​ను జయించారని కేంద్ర ఆరోగ్య శాఖ తెలిపింది. దేశవ్యాప్త రికవరీ రేటు 96.92 శాతంగా నమోదవ్వగా.. మరణాల రేటు 1.40శాతంగా ఉందని వివరించింది.

ఇదీ చదవండి:కరోనా కట్టడికి 'మహా'లో 7-పాయింట్ల కార్యచరణ