దేశంలో మరో 13,742 కేసులు.. 104 మరణాలు

దేశంలో మరో 13,742 మంది కరోనా​ బారినపడ్డారు. మొత్తం బాధితుల సంఖ్య 1కోటీ 10లక్షల 30వేల 176కు చేరింది. మంగళవారం ఒక్కరోజే 14,037 మంది మహమ్మారి నుంచి కోలుకున్నారు.

దేశంలో సోమవారంతో పోల్చితే మంగళవారం కరోనా కేసులు భారీగా పెరిగాయి. కొత్తగా 13,742 మందికి కొవిడ్​​​ పాజిటివ్​గా నిర్ధరణ అయింది. మరో 104 మంది వైరస్​కు బలయ్యారు.

• మొత్తం కేసులు: 1,10,30,176
• మరణాలు: 1,56,567
• రికవరీల సంఖ్య: 1,07,26,702
• యాక్టివ్​ కేసులు: 1,46,907

కొవిడ్​ బారినపడిన వారిలో 14,037 మంది కోలుకున్నారని వైద్య ఆరోగ్య శాఖ గణాంకాలు వెల్లడిస్తున్నాయి. దేశవ్యాప్త రికవరీ రేటు 97.25 శాతానికి పెరిగింది. మరణాల రేటు స్థిరంగా 1.42 శాతంగా ఉంది.

దేశవ్యాప్తంగా మరో 4,20,046 మందికి కొవిడ్​ టీకా అందించినట్టు ఆరోగ్య శాఖ తెలిపింది. ఫలితంగా మొత్తం లబ్ధిదారుల సంఖ్య 1కోటీ 21లక్షల 65వేలు దాటినట్టు పేర్కొంది.

ఇదీ చదవండి:1.19 కోట్ల టీకా డోసుల పంపిణీ: కేంద్రం