దేశంలో మరో 12,881 కేసులు.. 101 మరణాలు

దేశంలో కొత్తగా 12,881 మంది వైరస్​ బారినపడ్డారు. మొత్తం కేసుల సంఖ్య 1కోటీ 9లక్షల 50 వేల 201కి చేరింది. బుధవారం 11,987 మంది మహమ్మారిని జయించారు.

దేశంలో బుధవారంతో పోల్చితే గురువారం.. కరోనా కేసులు స్వల్పంగా పెరిగాయి. తాజాగా 12,881మందికి కొవిడ్​ పాజిటివ్​గా నిర్ధరణ అయింది. మరో 101మంది వైరస్​కు బలవ్వగా.. మొత్తం మరణాల సంఖ్య 1.56 లక్షలు దాటింది.

• మొత్తం కేసులు: 1,09,50,201
• మరణాలు: 1,56,014
• రికవరీల సంఖ్య: 1,06,56,845
• యాక్టివ్​ కేసులు: 1,37,342

తాజాగా 11,987 మంది వైరస్​ నుంచి కోలుకున్నారని వైద్య ఆరోగ్య శాఖ గణాంకాలు వెల్లడిస్తున్నాయి. దేశవ్యాప్త రికవరీ రేటు 97.32 శాతంగా నమోదవ్వగా.. మరణాల రేటు స్థిరంగా 1.42 శాతంగా ఉంది.

దేశవ్యాప్తంగా బుధవారం ఒక్కరోజే సుమారు 4.22 లక్షల మందికి కొవిడ్​ టీకా అందించినట్టు ఆరోగ్య శాఖ తెలిపింది. ఫలితంగా మొత్తం లబ్ధిదారుల సంఖ్య 94.22 లక్షలకు చేరిందని పేర్కొంది.

ఇదీ చదవండి:దేశంలో 90 లక్షలకు పైగా టీకా డోసుల పంపిణీ