అట్టడుగున ఆరోగ్య భారతం!

వ్యక్తిగత ఆరోగ్య సంరక్షణ సూచీలో భారత్​ 10వ స్థానంలో నిలిచింది. ఆసియా-పసిఫిక్​ ప్రాంతంలోని 11 దేశాల్లో ఆరోగ్య ప్రమాణాలను ఆధారంగా చేసుకుని 'ద ఎకనమిస్ట్​ ఇంటెలిజెన్స్​ యూనిట్​' అనే సంస్థ ఈ నివేదికను విడుదల చేసింది.

వ్యక్తిగత ఆరోగ్య సంరక్షణ సూచీలో భారత్​ చివర నుంచి రెండో స్థానంలో నిలిచింది. ఆసియా పసిఫిక్​ ప్రాంతంలో ఉన్న 11 దేశలపై జరిగిన అధ్యయనానికి సంబంధించిన నివేదికను 'ద ఎకనమిస్ట్​ ఇంటెలిజెన్స్​ యూనిట్​' అనే సంస్థ విడుదల చేసింది. ఇందులో భారత్​ 10 వ స్థానంలో నిలిచింది.

ఆస్ట్రేలియా, చైనా, జపాన్, భారత్​, ఇండోనేషియా, మలేషియా, సింగపూర్, దక్షిణ కొరియా, తైవాన్, థాయ్లాండ్, న్యూజిలాండ్ దేశాలలోని 11 ఆరోగ్య ప్రమాణాలు ఏలా ఉన్నాయనే విషయాన్ని తన నివేదికలో పేర్కొంది. ఇందులో సరైన వ్యక్తికి సరైన సమయంలో అవసరమైన మేరకు వైద్య సదుపాయం అందుతుందా లేదా అనే దానిని ప్రామాణికంగా తీసుకుని ర్యాంకులను ప్రకటించింది.

దీనితో పాటు మరో 27 ఆరోగ్య సూత్రాలను పరిగణనలోకి తీసుకుని ఈ అధ్యయనం చేపట్టినట్లు నివేదిక వెల్లడించింది. ఆరోగ్య సమాచారం తెలుసుకోవడంలో భారత్​కు 41 పాయింట్లు, ఆరోగ్య సేవల్లో 24 పాయింట్లు, పర్సనలైజ్డ్​ టెక్నాలజీ ఇండికేటర్​లో 30 పాయింట్లు, పాలసీ కాన్​టెక్స్ట్​ ఇండికేటర్స్​లో 48 పాయింట్లు వచ్చినట్లు సంబంధిత అధికారులు తెలిపారు.

ఈ 11 దేశాల్లో సింగపూర్​ ప్రథమ స్థానంలో నిలిచింది. తైవాన్​ రెండు, జపాన్​ మూడు, ఆస్ట్రేలియా నాలుగు స్థానాల్లో నిలిచాయి. అన్నింటికంటే చివరి స్థానంలో ఇండోనేసియా ఉన్నట్లు నివేదిక వెల్లడించింది.