దేశంలో కొవిడ్ విలయ తాండవం కొనసాగుతోంది. రికార్డు స్థాయిలో రోజువారి కొత్త కేసులు పెరిగిపోతున్నాయి. బుధవారం ఒక్కరోజే 2,00,739 మంది మహమ్మారి బారినపడ్డారు. ఇప్పటివరకు ఇదే అత్యధికం. వైరస్ ధాటికి మరో 1,038 మంది బలయ్యారు.
- మొత్తం కేసులు:1,40,74,564
- మొత్తం మరణాలు:1,73,123
- కోలుకున్న వారు:1,24,29,564
- యాక్టివ్ కేసులు:14,71,877
కొవిడ్ సోకిన వారిలో బుధవారం 93,528 మంది కోలుకున్నారు. ఒక్కరోజే 13 లక్షల 84 వేల నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్) తెలిపింది. ఇప్పటివరకు 26 కోట్ల 20 లక్షల నమూనాలను పరీక్షించినట్లు చెప్పింది.