Border Infrastructure India: పొరుగుదేశాలతో భారత్‌కు ఉన్న సరిహద్దుల వెంట మౌలిక సదుపాయల అభివృద్ధి కోసం ఉద్దేశించిన పథకం కొనసాగింపునకు కేంద్ర ప్రభుత్వం ఆమోదం తెలిపింది. సరిహద్దు మౌలిక సదుపాయాలు, అభివృద్ధి పథకం కింద 2021-22 ఆర్థిక సంవత్సరం నుంచి 2025-26 ఆర్థిక సంవత్సరం వరకు రూ.13,020 కోట్లు ఖర్చు చేస్తారు.
ఈ పథకం కింద సరిహద్దుల వెంట కంచెలు, ఫ్లడ్‌ లైట్ల ఏర్పాటు, రహదారుల నిర్మాణం, సాంకేతికత అభివృద్ధి వంటి పనులు చేపట్టనున్నట్లు కేంద్రం వెల్లడించింది. సరిహద్దులను రక్షించుకోవడం, మౌలిక సదుపాయాలను అభివృద్ధి చేయడం అనే వ్యూహంలో భాగంగా ఈ చర్యలు చేపట్టనున్నట్లు కేంద్రం తెలిపింది.