కరోనా వైరస్ వ్యాప్తిని అరికట్టేందుకు మధ్యప్రదేశ్ ప్రభుత్వం కీలక నిర్ణయం తీసుకుంది. రాష్ట్రవ్యాప్తంగా అన్ని పట్టణాల్లో వారాంతపు లాక్డౌన్ విధించనుంది. శుక్రవారం సాయంత్రం 6 గంటల నుంచి సోమవారం ఉదయం 6 గంటలకు 60 గంటల పాటు ఆంక్షలు అమల్లో ఉంటాయని రాష్ట్ర ముఖ్యమంత్రి శివరాజ్సింగ్ చౌహాన్ ప్రకటించారు. వైరస్ ఉద్ధృతి అధికంగా ఉన్న నగరాల్లో కంటైన్మెంట్ జోన్లను ఏర్పాటు చేస్తున్నట్టు పేర్కొన్నారు.
పోలీస్ స్టేషన్పై కరోనా పంజా..
కర్ణాటకలో కరోనా కలకలం సృష్టిస్తోంది. బెంగళూరులోని చంద్ర లేఔట్ పోలీస్ స్టేషన్లో ఏకంగా 60 మంది సిబ్బంది వైరస్ బారినపడ్డారని అధికారులు తెలిపారు.
672 మందికి జరిమానా..
దేశ రాజధాని దిల్లీలో కరోనా మార్గదర్శకాలను పాటించని వారిపై కఠిన చర్యలు తీసుకుంటున్నారు దిల్లీ మెట్రో రైల్వే అధికారులు. మాస్క్ ధరించకపోవడం, భౌతిక దూరం వంటి నింబంధనల్ని పాటించని కారణంగా.. బుధవారం(ఈ నెల 7న) 672 మంది ప్రయాణికులకు జరిమానా విధించారు.
'పరీక్షల్ని రద్దు చేయండి'
దేశంలో కరోనా కేసులు విపరీతంగా పెరుగుతున్న వేళ.. సీబీఎస్ఈ 10, 12 తరగతుల పరీక్షల్ని రద్దు చేయాలని కోరుతూ లక్ష మందికిపైగా విద్యార్థులు ప్రభుత్వాన్ని కోరారు. మేలో జరగాల్సిన బోర్డు పరీక్షల్ని రద్దు చేయాలని లేదా ఆన్లైన్ ద్వారా నిర్వహించాలని.. 'క్యాన్సల్ బోర్డ్ ఎక్సామ్స్2021' అనే హ్యాష్ట్యాగ్తో ట్వీట్ చేశారు.
ఇదీ చదవండి:దేశంలో కొత్తగా లక్షా 26వేల మందికి కరోనా
