మావటికి ఏనుగు అశ్రునివాళి

కేరళలో ప్రసిద్ధ మావటి దామోదరణ్ నాయర్​ కన్నుమూశారు. ఆయన అంత్యక్రియల్లో.. తాను ప్రేమగా పాతికేళ్లు సంరక్షించిన బ్రహ్మదాతన్ అనే ఏనుగు అశ్రు నయనాలతో సంతాపం తెలిపింది.

తనను కంటికి రెప్పలా చూసుకున్న మావటికి అశ్రునివాళి అర్పించింది ఓ ఏనుగు. ఈ ఘటన కేరళలోని కొట్టాయంలో జరిగింది.

ఏనుగుతో మావటి నాయర్

కూరప్పుడకు చెందిన ప్రసిద్ధ మావటి దామోదరణ్ నాయర్​ ఇటీవల మరణించారు. 60ఏళ్లుగా ఆయన ఏనుగులను సంరక్షిస్తున్నారు. పల్లట్​ బ్రహ్మదాతన్​ అనే ఏనుగుకు పాతికేళ్లుగా సంరక్షకుడిగా ఉన్నారు. వారిద్దరి మధ్య అవినాభావ సంబంధం ఉంది. దీంతో నాయర్​ అంత్యక్రియల్లో ఆయనను కడసారి చూడటానికి వచ్చిన బ్రహ్మదాతన్.. కన్నీటి వీడ్కోలు పలికింది.

దామోదరణ్ నాయర్

ప్రముఖ పండుగలకు మావటిగా వచ్చేవారు నాయర్​. ఎంతోమందిని ఏనుగుల సంరక్షకులుగా తీర్చిదిద్దిన ఆయన పలు అవార్డులను సైతం పొందారు.

ఇదీ చూడండి:హత్యకేసులో శిక్ష అనుభవిస్తున్న ఏనుగు విడుదల!