భారతీయుల ఇళ్లల్లో.. పోపుల డబ్బా పక్కన 'ఇంగువ'కు ఎప్పుడూ ప్రత్యేక స్థానం ఉంటుంది. వంటింట్లో ఘుమఘుమలకు కారణమైన ఈ ఇంగువను దేశ ప్రజలు విపరీతంగా ఉపయోగిస్తుంటారు(hing in Indian cooking). ఇంత ఆదరణ పొందుతున్న ఇంగువకు పుట్టిల్లు భారత్ కాదంటే నమ్మగలరా? కానీ అదే నిజం. అఫ్గానిస్థాన్లో పుట్టి.. భారతీయుల వంటల్లో ఓ భాగమైపోయింది ఈ ఇంగువ!
అఫ్గాన్లో పుట్టి.. భారత్లో..
ఇంగువను ఆంగ్లంలో 'హింగ్' (hing powder) అంటారు. దీనిని దేశంలో సాగుచేయరు. అఫ్గానిస్థాన్లో ఉండే 'ఫెరుల అసఫొటిడా' అనే చెట్టు నుంచి ఈ ఇంగువ వస్తుంది. కొన్నేళ్లుగా తజకిస్థాన్, ఉజ్బెకిస్థాన్ సహా ఇతర దేశాలు ఇంగువను సాగు చేస్తున్నాయి.
భారత్లో ఇంగువ దిగుమతులు ఎలా ఉన్నాయి?
2017 నివేదికల ప్రకారం.. ప్రపంచవ్యాప్తంగా సాగుచేస్తున్న ఇంగువలో 40శాతం వాటాను భారత్ దిగుమతి చేసుకుంటోంది. ఇందులో 92శాతం అఫ్గానిస్థాన్ నుంచి వచ్చినవే. 2019లో దిగుమతుల విలువ 100మిలియన్ డాలర్లు దాటిపోయింది.
మరి ఇంగువను దేశంలోనే సాగు చేసుకోవచ్చు కదా?
అసఫొటిడా చెట్లకు పొడి నేల ఉండాయి. అంతకుమించి.. ఉష్ణోగ్రతలు 35 డిగ్రీలు దాటకూడదు. భారీ వర్షాలు కురిసే భారత్ వంటి దేశాల్లో ఇంగువ సాగు కష్టమే.
కానీ ఇంగువకున్న డిమాండ్ చూసి దేశంలోనూ దానిని సాగు చేసేందుకు శాస్త్రవేత్తలు పరిశోధనలు జరుపుతున్నారు. తొలిసారిగా.. హిమాచల్ ప్రదేశ్లో నిరుపయోగమైన శీతల భూభాగాల్లో ఇంగువ పంట పండించేందుకు'ద ఇన్స్టిట్యూట్ ఆఫ్ హిమాలయన్ బయోరిసోర్స్ టెక్నాలజీ'(ఐహెచ్బీటీ-సీఎస్ఐఆర్) 2020 అక్టోబర్లో చర్యలు చేపట్టింది(hing cultivation in india). లాహాల్ ప్రాంతంలో రైతులతో కలిసి ఇంగువ సాగు చేస్తోంది. ఈ ప్రయోగాల ఫలితాలు ఎలా ఉంటాయో తెలుసుకోవాలంటే కనీసం ఐదేళ్లు ఆగాల్సిందే.
ఇంతకీ.. అసలు ఇంగువ భారత్లోకి ఎలా వచ్చింది?
ఈ ప్రశ్నకు సరైన సమాధానం లేనప్పటికే.. అనేక హిందు, బౌద్ధ పుస్తకాల్లో ఇంగువ అనేకమార్లు ప్రస్తావనకు వచ్చింది. మహాభారతంలోనూ ఇంగువ గురించి ఉన్నట్టు చరిత్రకారులు చెబుతున్నారు.
ఇప్పుడు పరిస్థితేంటి?
అఫ్గాన్లో తాలిబన్ల(taliban news) ఆక్రమణతో పరిస్థితులు మారిపోయాయి. అక్కడి నుంచి దిగుమతులయ్యే వస్తువుల ధరలు పెరిగే అవకాశమున్నట్టు నిపుణులు అభిప్రాయపడుతున్నారు. బాదం వంటి డ్రై ఫ్రూట్స్పై ఇప్పటికే ఈ ప్రభావం కనిపిస్తోంది. ఫలితంగా.. ఇంగువ ధరలు పెరగడం ఖాయమని మార్కెట్ వర్గాలు అంటున్నాయి.
ఇదీ చూడండి:-నోరూరించే హైదరాబాద్‌ సబ్జీ దమ్‌కీ బిర్యానీ
