మహీంద్రా గ్రూప్ ఛైర్మన్ ఆనంద్ మహీంద్రా ట్విట్టర్లో ఓ వెయిటర్ అసాధారణ ప్రతిభను అభినందిస్తూ ఒక వీడియోను పోస్టు చేశారు. ఆ వీడియోలో ఒక వెయిటర్ ఒకేసారి 13 ప్లేట్ల దోసెలను మోసుకెళ్లడం కనిపిస్తుంది. ఆ వ్యక్తి ఒలింపిక్ పోటీలకు వెళ్లి ఉంటే కచ్చితంగా బంగారు పతకానికి పోటీదారుగా నిలిచేవాడని ఆనంద్ మహీంద్రా ట్వీట్ చేశారు.
'ఆ వెయిటర్ టాలెంట్కు ఒలింపిక్స్లో గోల్డ్ మెడల్ పక్కా!'
ఆసక్తికర అంశాలను ఎప్పడూ సామాజిక మాధ్యమాల్లో షేర్ చేస్తుంటారు ప్రముఖ వ్యాపారవేత్త ఆనంద్ మహీంద్రా. అయితే ఆయన తాజాగా తన ట్విట్టర్లో ఓ ఆసక్తికర వీడియోను పోస్ట్ చేశారు. అందులో ఓ హోటల్ వెయిటర్ 13 ప్లేట్ల దోసెలను ఒకేసారి బ్యాలెన్సింగ్గా కస్టమర్లకు ఇవ్వడం కనిపిస్తుంది. ఇంకా ఆ వీడియోలో ఏముందంటే?
ఆనంద్ మహీంద్రా ట్వీట్
'వెయిటర్ పనివిధానాన్ని ఒలింపిక్ క్రీడగా గుర్తిస్తే.. అతడు బంగారు పతకానికి పోటీదారుడిగా ఉండేవాడు' అని ప్రశంసిస్తూ ఓ వీడియోను ట్విట్టర్లో పోస్ట్ చేశారు ఆనంద్ మహీంద్రా. ఆయన పోస్ట్ చేసిన వీడియో ఓ రెస్టారెంట్లో తీసినట్లుగా ఉంది. ఆ వీడియో ప్రారంభంలో రెస్టారెంట్ కిచెన్లో దోసెలు వేయడం కనిపిస్తుంది. ఆ తర్వాత ఓ వెయిటర్ 13 ప్లేట్ల దోసెలను ఒకేసారి తన చేతిపై చాలా నైపుణ్యంగా బ్యాలెన్స్ చేయటం కనిపిస్తుంది. ఆ దోసెలను కస్టమర్లకు వెయిటర్ అందిస్తాడు.