Bangalore Idly ATM : అనారోగ్యంతో ఉన్న కుమార్తెకు రాత్రి వేళ ఇడ్లీ తినిపించాలనుకున్న ఆ తండ్రికి అవి దొరకక నిరాశ ఎదురైంది. 2016లో జరిగిన ఈ ఘటన ఆయన్ను ఆలోచనలో పడేసింది. తనకొచ్చిన ఇబ్బంది మరెవరికీ రాకూడదనే కసి నుంచి ఓ వినూత్న ఆలోచన అంకురించింది. అదే 'ఇడ్లీ ఏటీఎం'గా బెంగళూరు ప్రజల ముందుకు రానుంది. కార్డు పెట్టి ఏటీఎం నుంచి డబ్బు తీసుకున్నట్లే.. ఇందులోంచి ఇడ్లీలు పొందొచ్చు.
బెంగళూరు నగరానికి చెందిన శరణ్ హిరేమఠ్ కంప్యూటర్‌ ఇంజినీరు. తన కుమార్తెకు జ్వరం వచ్చిన రోజు సమయానికి ఇడ్లీలు దొరక్కపోవడంతో స్నేహితులు సురేష్‌, చంద్రశేఖర్‌లతో కలిసి ఈ యంత్రాన్ని తయారు చేశారు. తయారీ, ప్యాకింగ్‌, సరఫరా ప్రక్రియలను యంత్రం నిమిషాల్లో చేస్తుంది.