డీఎంకే ఎమ్మెల్యే ఇళ్లు, ఆఫీస్​లపై ఐటీ దాడులు

తిరువణ్నామలై ఎమ్మెల్యే, డీఎంకే సీనియర్​ నేత ఈవీ వేలుకు సంబంధించిన ఇళ్లు, కార్యాలయాలపై గురువారం ఐటీ దాడులు జరిగాయి. డీఎంకే అధినేత ఎంకే స్టాలిన్ తిరువణ్నామలైలో పార్టీ ప్రచారం నిర్వహిస్తున్న సమయంలోనే ఈ దాడులు జరగడం గమనార్హం.

తమిళనాట ఎన్నికలు సమీపిస్తున్న వేళ... తిరువణ్నామలై ఎమ్మెల్యే, డీఎంకే సీనియర్ నేత ఈవీ వేలు ఇళ్లు, కార్యాలయాలపై ఐటీ దాడులు జరిగాయి. ఈవీ వేలుకు సంబంధించిన 10 చోట్ల ఆదాయ పన్ను శాఖ సోదాలు జరిపింది.

ఈ ఎన్నికల్లోనూ తిరువణ్నామలై నియోజకవర్గం నుంచి ఎమ్మెల్యే అభ్యర్థిగా బరిలోకి దిగారు వేలు. ఆయనకు మద్దతుగా డీఎంకే అధినేత స్టాలిన్​ తిరువణ్నామలైలో ప్రచారం చేసేందుకు వచ్చిన సమయంలోనే ఐటీ దాడులు జరగడం చర్చనీయాంశమైంది.

ఇదీ చదవండి:మహిళా కమిషన్​పై వ్యాజ్యాలను స్వీకరించిన సుప్రీం