Horoscope Today(22-01-2022):
శ్రీ ప్లవ నామ సంవత్సరం, ఉత్తరాయణం హేమంత రుతువు, పుష్య మాసం, బహుళ పక్షం
చవితి:ఉ. 7.30 తదుపరి పంచమి
పుబ్బ: ఉ. 9.31 తదుపరి ఉత్తర
వర్జ్యం: సా. 4.44 నుంచి 6.20 వరకు
అమృత ఘడియలు:రా.2.22 నుంచి 3.58 వరకు
దుర్ముహూర్తం: ఉ. 6.38 నుంచి 8.06 వరకు
రాహుకాలం:ఉ. 9.00 నుంచి 10.30 వరకు
సూర్యోదయం:ఉ.6.38, సూర్యాస్తమయం: సా.5.45 శ్రీ త్యాగరాజస్వామి ఆరాధన
మేషం
వృత్తి,వ్యాపారాల్లో లాభదాయకమైన ఫలితాలు ఉన్నాయి. చిత్తశుద్ధితో చేసే పనులు విశేష లాభాన్ని ఇస్తాయి. భోజన సౌఖ్యం ఉంది. ముఖ్య వ్యవహారాల్లో పెద్దల అంగీకారం తప్పనిసరి. సుబ్రహ్మణ్య స్వామిని ఆరాధిస్తే ఇంకా బాగుంటుంది.
వృషభం
బలమైన సంకల్పాలు నెరవేరుతాయి. వృత్తి,ఉద్యోగాల్లో ఆటంకాలు ఎదురవకుండా చూసుకోవాలి. ఉత్సాహంగా పనిచేయాలి. ఒత్తిడి పెరుగుతుంది. అనవసర ఖర్చులు చేస్తారు. విష్ణు నామస్మరణ శక్తిని ఇస్తుంది.
మిథునం
శుభకాలం. మనోధైర్యంతో అనుకున్నది సాధిస్తారు. ఒక పనిలో మీకు అధికారుల ప్రశంసలు లభిస్తాయి. అర్ధ, వస్త్ర లాభాలు ఉన్నాయి. ఇష్టదేవతా శ్లోకాలు చదివితే బాగుంటుంది.
కర్కాటకం
ముఖ్యమైన వ్యవహారాల్లో పట్టుదల చాలా అవసరం. ఒత్తిడికి లోనవకుండా, ఓర్పుగా వ్యవహరించండి. వ్యాపారంలో మీరు చేసే ఆలోచనల్ని ఎదుటివారితో పంచుకోవడం ద్వారా సాధ్యాసాధ్యాలను అంచనా చేయవచ్చు. శ్రీవేంకటేశ్వరస్వామిని ఆరాధిస్తే మంచిది.
సింహం
మంచి పనులు చేస్తారు. వృత్తి, ఉద్యోగాల్లో అనుకూలత కలదు. మీ కీర్తి ప్రతిష్టలు పెరుగుతాయి. కీలక వ్యవహారాల్లో వెనకడుగు వేయకండి. ప్రణాళికలకు అనుగుణంగా ముందుకు సాగండి. స్థిర నిర్ణయాలు విజయాన్ని ఇస్తాయి. గోవింద నామాలు చదవడం మంచిది.
కన్య
మనోధైర్యంతో చేసే పనులు వెంటనే సిద్ధిస్తాయి. ఇష్టమైన వారితో కాలాన్ని గడుపుతారు. ముఖ్య వ్యవహారాల్లో ఆచితూచి మాట్లాడాల్సి ఉంటుంది. నూతన వస్తుప్రాప్తి కలదు. గణపతి దర్శనం శుభప్రదం.
తుల
శుభప్రదమైన కాలాన్ని గడుపుతారు. శుభఫలితాలు ఉన్నాయి. కుటుంబ సభ్యులతో ఆనందంగా గడుపుతారు. గోసేవ చేస్తే బాగుంటుంది. విష్ణు సహస్రనామ పారాయణ చేస్తే బాగుంటుంది.
వృశ్చికం
అందరినీ కలుపుకొనిపోవడం వల్ల సమస్యలు తగ్గుతాయి. శ్రమ పెరగకుండా చూసుకోవాలి. ఆవేశాలకు పోకూడదు. ప్రయాణాల్లో అశ్రద్ద వద్దు. గోవిందనామాలు చదవడం వల్ల పనులలో విజయంతో పాటు మంచి జరుగుతుంది.
ధనస్సు
కొన్ని విషయాలలో మీరు అనుకున్న దాని కన్నా ఎక్కువ శ్రమ పడాల్సి వస్తుంది. నవమంలో చంద్రస్థితి అనుకూలించడం లేదు. స్వల్ప అనారోగ్యం, మనోవిచారం. చంద్ర ధ్యాన శ్లోకం చదివితే మంచిది.
మకరం
ప్రయత్న కార్యసిద్ధి కలదు. కుటుంబ సభ్యుల సలహాలతో విజయాలు సాధిస్తారు. విందూవినోదాల్లో ఆనందంగా గడుపుతారు. బంధుప్రీతి కలదు. ఇష్టదైవ నామస్మరణ శుభకరం.
కుంభం
ప్రారంభించిన పనుల్లో శ్రమ పెరుగుతుంది. కుటుంబ సభ్యుల సలహాలతో ముందుకు సాగడం మంచిది. శారీరక శ్రమ కాస్త పెరుగుతుంది. బంధు,మిత్రులతో విబేధాలు రావచ్చు. చంద్ర శ్లోకం చదవాలి.
మీనం
ధర్మసిద్ధి ఉంది. కుటుంబ సభ్యుల సహకారం ఉంటుంది. ఆర్థికంగా జాగ్రత్తలు అవసరం. పొదుపు పాటించాలి. అధికారులతో జాగ్రత్తగా వ్యవహరించండి. అనవసరంగా భయాందోళనకు గురవుతారు. శివనామాన్ని జపించాలి.
