Honey Trap lady: తన అందంతో ప్రముఖులను వలలో వేసుకుని వారితో సన్నిహితంగా ఉన్నప్పుడు తీసుకున్న చిత్రాలు, వీడియోలు చూపించి తర్వాత పెద్ద మొత్తం డిమాండ్ చేస్తున్న ఘటనలో శుక్రవారం భువనేశ్వర్‌ పోలీసులు అరెస్టు చేసిన అర్చన అనే మహిళకు సంబంధించిన కీలకమైన అంశాలు వెలుగులోకి వస్తున్నాయి. పోలీసులు ఆమె వద్ద స్వాధీనం చేసుకున్న కంప్యూటర్‌ హార్డ్‌ డిస్క్‌, చరవాణుల్లోని దృశ్యాలు, చిత్రాల కోసం ఫోరెన్సిక్‌ ల్యాబ్‌కు పంపారు. ఆమెను విచారిస్తున్నారు.
ఆమెకు భువనేశ్వర్‌లో విశాలమైన భవనం ఉంది. ఫేస్‌బుక్‌, వాట్సాప్‌ల్లో సంపన్నులు, ఉన్నతాధికారులతో స్నేహం చేస్తుంది. తర్వాత మాటలతో ముగ్గులోకి దింపి తన నివాస భవనంలోకి రప్పించుకునేది. వారితో సన్నిహితంగా మెలిగి వాటిని రహస్యంగా చిత్రీకరించేది.