'అజిత్​ సింగ్​ చేసిన రైతు పోరాటాలు చిరస్మరణీయం'

ఆర్​ఎల్​డీ నేత, కేంద్ర మాజీ మంత్రి అజిత్​ సింగ్​ మరణం పట్ల తీవ్ర దిగ్భ్రాంతి వ్యక్తం చేసింది కాంగ్రెస్​. రైతుల కోసం ఆయన చేసిన పోరాటాలు చిరకాలం గుర్తుండిపోతాయని కొనియాడింది.

రాష్ట్రీయ లోక్​ దళ్(ఆర్ఎల్​డీ) నాయకుడు, కేంద్ర మాజీ మంత్రి అజిత్​ సింగ్ మృతి పట్ల.. కాంగ్రెస్​ సంతాపం తెలిపింది. రైతు ప్రయోజనాల కోసం ఆయన ఎనలేని పోరాటం చేశారని, ఆ సేవలు చిరస్మరణీయమని అభిప్రాయపడింది. ఈ క్లిష్ట సమయంలో అజిత్​ కుటుంబ సభ్యులకు, సన్నిహితులకు సానుభూతిని ప్రకటించింది హస్తం పార్టీ.

ఆర్​ఎల్​డీ నాయకుడి మరణ వార్త.. చాలా బాధాకరమని కాంగ్రెస్​ అగ్రనేత రాహుల్​ గాంధీ అన్నారు. ఈ సందర్భంగా విచారం వ్యక్తం చేశారు రాహుల్​.

రాహుల్ గాంధీ ట్వీట్​

'సమాజానికి తీరని లోటు'

సింగ్​ మృతిపై కాంగ్రెస్​ ప్రధాన కార్యదర్శి ప్రియాంకా గాంధీ వాద్రా తీవ్ర విచారం వ్యక్తం చేశారు.

ప్రియాంకా గాంధీ ట్వీట్​

"ప్రజాదారణ పొందిన నాయకుడు, కేంద్ర మాజీ మంత్రి, రైతు సన్నిహిత నాయకుడు చౌదరి అజిత్​ సింగ్​ జీ మరణం చాలా విచారకరం. చౌదరి సాహబ్​ మృతి.. సమాజానికి, రాజకీయాలకు తీరని లోటు."

- ప్రియాంకా గాంధీ వాద్రా, కాంగ్రెస్​ ప్రధాన కార్యదర్శి

'ఆయన.. నేలతల్లి బిడ్డ'

కాంగ్రెస్​ ముఖ్య ప్రతినిధి రణ్​దీప్​ సుర్జేవాలా కూడా అజిత్​సింగ్​ మరణం పట్ల సంతాపం వ్యక్తం చేశారు. అజిత్​.. రైతుల శ్రేయోభిలాషి, నేలతల్లి బిడ్డ అని కొనియాడారు. 'ఆయన మరణంతో.. నేడు రైతుల గొంతు మూగబోయింద'ని సుర్జేవాలా అన్నారు.

ఇదీ చదవండి:ఆక్సిజన్ లేక ఐసీయూకి తాళం.. ఎనిమిది మంది మృతి