అసోం ముఖ్యమంత్రిగా హిమంత ప్రమాణస్వీకారం

అసోం సీఎంగా హిమంత బిశ్వ శర్మ సోమవారం ప్రమాణస్వీకారం చేశారు. ఈ కార్యక్రమంలో భాజపా జాతీయ అధ్యక్షుడు జేపీ నడ్డా, ఇతర నాయకులు పాల్గొన్నారు.

అసోం 15వ ముఖ్యమంత్రిగా భారతీయ జనతా పార్టీ(భాజపా) నాయకుడు హిమంత బిశ్వ శర్మ ప్రమాణస్వీకారం చేశారు. గవర్నర్​ జగదీశ్​ ముఖీ ఆయనతో ప్రమాణం చేయించారు. భాజపా జాతీయ అధ్యక్షుడు జగత్​ ప్రకాశ్ నడ్డా, మాజీ సీఎం శర్బానంద సోనోవాల్​ సహా పలువురు నాయకులు ఈ కార్యక్రమంలో పాల్గొన్నారు.

అసోం 15వ సీఎంగా ప్రమాణం చేస్తున్న హిమంత

గవర్నర్​ జగదీశ్​ ముఖీ

త్రిపుర సీఎం బిప్లబ్​ దేబ్​, మేఘాలయ ముఖ్యమంత్రి కోన్రాద్​ సంగ్మా, మణిపూర్​ సీఎం ఎన్​ బీరెన్​ సింగ్​, నాగాలాండ్​ సీఎం నీఫ్యూ రియో తదితరులు ఈ కార్యక్రమానికి హాజరయ్యారు.

126 స్థానాలు కలిగిన అసోం అసెంబ్లీలో ఇటీవల జరిగిన ఎన్నికల్లో ఎన్డీఏ కూటమిలోని భాజపా 60 స్థానాలు, ఏజీపీ 9, యూపీపీఎల్​ ఆరు సీట్లు గెలుపొందాయి.

కార్యక్రమానికి హాజరైన పలువురు నాయకులు

ఇదీ చదవండి:బంగాల్​లో మంత్రివర్గ విస్తరణ- 43మంది ప్రమాణం