హిమాచల్ ప్రదేశ్లో అమానవీయ ఘటన వెలుగు చూసింది. నవజాత శిశువును పేడలో పడేసి వెళ్లిపోయింది ఓ తల్లి. సిర్మౌర్ జిల్లా రోహ్నత్ గ్రామంలో ఈ ఘటన జరిగింది. ఈ కేసులో చిన్నారి తల్లైన ఓ బాలికను, 12వ తరగతి చదివే మరో విద్యార్థిని పోలీసులు అరెస్టు చేశారు. అనంతరం వారిని వైద్య పరీక్షల కోసం తరలించారు.
'భయంతో వదిలించుకున్న..'
తనపై తన బావ అత్యాచారానికి పాల్పడ్డాడని సదరు బాలిక తెలిపింది. దాంతో తాను గర్భవతిని అయ్యానని చెప్పింది. సమాజం ఏమనుకుంటోందనన్న భయంతో తనకు పుట్టిన పాపను.. ఆవు పేడతో నిండి ఉన్న గొయ్యిలో పడేసి, బండరాయిని పెట్టానని చెప్పింది.