అంబానీ ఇంటి వద్ద హైఅలర్ట్.. ఇద్దరు అనుమానితులు బ్యాగుతో వచ్చి...

ఇద్దరు అనుమానిత వ్యక్తులు రిలయన్స్ అధినేత ముకేశ్ అంబానీ ఇంటి అడ్రస్ అడగటం కలకలం రేపింది. బ్యాగులు ధరించిన ఆ వ్యక్తుల గురించి సమాచారం అందగానే.. అంబానీ నివాసం వద్ద పటిష్ఠ భద్రత ఏర్పాటు చేశారు.

ముంబయిలోని రిలయన్స్ ఇండస్ట్రీస్ ఛైర్మన్ ముకేశ్ అంబానీ ఇంటి వద్ద (Ambani house Mumbai) పోలీసులు భారీగా మోహరించారు. ఇద్దరు అనుమానాస్పద వ్యక్తులు అంబానీ ఇంటి అడ్రస్ అడిగారని ఓ ట్యాక్సీ డ్రైవర్ ఇచ్చిన సమాచారం మేరకు.. పోలీసులు జాగ్రత్తలు తీసుకుంటున్నారు. వీరిద్దరు ఓ బ్యాగ్​ను వెంటబెట్టుకుని ఉన్నారని డ్రైవర్ తెలిపాడని ముంబయి పోలీసులు చెప్పారు.

అంబానీ ఇంటి వద్ద భద్రతా సిబ్బంది

.

ఈ నేపథ్యంలో అంటిలియా వద్ద భారీ భద్రత ఏర్పాటు చేశారు పోలీసులు. సీసీటీవీ ఫుటేజీలను తనిఖీ చేస్తున్నారు. ట్యాక్సీ డ్రైవర్ స్టేట్​మెంట్​ను రికార్డు చేశారు. ఎలాంటి అవాంఛనీయ ఘటనలు జరగకుండా జాగ్రత్త పడుతున్నారు.

జాగిలాలతో కాపలా కాస్తున్న భద్రతా సిబ్బంది

ఇదీ చదవండి:'సూపర్‌ కాప్‌' అవ్వాలని.. అంబానీ నుంచి డబ్బు లాగాలని..