ఉత్తరాఖండ్లో రెండు రోజులుగా కురుస్తున్న వర్షాలతో కొండచరియలు విరిగిపడ్డాయి. దెహ్రాదూన్ జిల్లా చక్రాతాలో ఓ గుడిసెపై బండరాళ్లు దొర్లిపడగా... ఒకే కుటుంబానికి చెందిన ముగ్గురు మృతి చెందారు.
కొండచరియలు విరిగిపడడం వల్ల పలు జాతీయ రహదారులపై రాకపోకలకు అంతరాయం కలిగింది. రాష్ట్రంలో ఉష్ణోగ్రతలు కనిష్ఠ స్థాయికి పడిపోయాయి. సహాయక బృందాలను ప్రభుత్వం మోహరించింది.