తెలంగాణ

telangana

ETV Bharat / bharat

వాట్సాప్​లో దినపత్రికలు షేర్​ చేస్తే అంతే!

సామాజిక మాధ్యమాల్లో ఈ-పేపర్​లను షేర్​ చేయడాన్ని నిరోధిస్తూ దిల్లీ హైకోర్టు మధ్యంతర ఉత్తర్వులను జారీ చేసింది. ఈ అంశంపై వివరణ ఇవ్వాలని కేంద్రం, వాట్సాప్, టెలిగ్రామ్​కు నోటిసులు ఇచ్చింది.

By

Published : May 21, 2021, 6:19 PM IST

Updated : May 21, 2021, 7:06 PM IST

delhi hc
దిల్లీ హైకోర్టు

వాట్సాప్, టెలిగ్రామ్ వంటి సామాజిక మాధ్యమాల్లో 'చట్టవిరుద్ధంగా' టైమ్స్​ ఆఫ్​ ఇండియా, నవభారత్​ టైమ్స్​ ఈ-పేపర్‌లను షేర్ చేయడాన్ని నిరోధిస్తూ మధ్యంతర ఉత్తర్వులను జారీ చేసింది దిల్లీ హైకోర్టు. ఈ-పేపర్‌లను సామాజిక మాధ్యమాల్లో షేర్​ చేయడం చట్టవిరుద్ధమని, అది కాపీరైట్‌ నిబంధనలను ఉల్లంఘిస్తోందన్న బెన్నెట్-కోల్మన్ అండ్ కంపెనీ లిమిటెడ్‌ వాదనతో సూత్రప్రాయంగా ఏకీభవించింది జస్టిస్ జయంత్ నాథ్ ధర్మాసనం. ఆ సంస్థకు అనుకూలంగా మధ్యంతర ఉత్తర్వులు ఇచ్చింది.

ఫొటోలు, డాక్యుమెంట్లు, వీడియోలను గ్రూపులలో షేర్ చేయడంపైనా వివరణ ఇవ్వాల్సిందిగా వాట్సాప్, టెలిగ్రామ్‌కు కోర్టు నోటీసులు జారీ చేసింది.

ఈ అంశంపై తదుపరి విచారణను ఆగస్టు 18కి వాయిదా వేసిన కోర్టు.. దీనిపై స్పందించాలని కేంద్ర ఎలక్ట్రానిక్స్, సమాచార సాంకేతిక మంత్రిత్వ శాఖకు నోటీసులు జారీ చేసింది.

Last Updated : May 21, 2021, 7:06 PM IST

ABOUT THE AUTHOR

...view details