హరియాణాలోని ఎలెనాబాద్ 30న ఉప ఎన్నిక ప్రచారంలో కేంద్ర సహాయ మంత్రి రావు ఇంద్రజిత్ సింగ్ పాల్గొన్నారు. హరియాణా భాజపా కార్యకర్తలకు దిశానిర్దేశం చేశారు. ఈ క్రమంలో తదుపరి అసెంబ్లీ ఎన్నికల్లో అనుసరించాల్సిన వ్యూహాలపై మాట్లాడారు. ప్రధాని నరేంద్ర మోదీ పేరు చెప్పుకుని పోటీ చేస్తే 45 సీట్లు సాధించడం కూడా సందేహమేననే అభిప్రాయపడ్డారు. కార్యకర్తలంతా క్షేత్రస్థాయిలో విస్తృతంగా పనిచేస్తేనే విజయం సాధ్యమని స్పష్టం చేశారు.
"మోదీ నాయకత్వంలో రాష్ట్రంలో భాజపా రెండుసార్లు అధికారంలోకి వచ్చింది. మొదటిసారి 47, రెండోసారి 40 సీట్లు సాధించాం. మోదీ జీ పేరుతో మనం మూడోసారి 45 మార్కును దాటగలమా? ఎందుకంటే హరియాణాలో ఏదైనా పార్టీ మూడోసారి అధికారం చేపట్టదనే సంప్రదాయం ఉంది కదా?"
-రావు ఇందర్‌జిత్ సింగ్, కేంద్ర సహాయ మంత్రి