అడవిలో మహిళ మృతదేహం- హత్యాచారమేనా?

మధ్యప్రదేశ్​ బాలాఘాట్​ జిల్లాలోని అటవీ ప్రాంతంలో గుర్తు తెలియని మహిళ మృతదేహాన్ని పోలీసులు గుర్తించారు. మృతదేహం నగ్నంగా.. సగం కాలిన స్థితిలో ఉన్నట్లు నిర్ధరించారు. మహిళపై అత్యాచారం చేసి హత్య చేసినట్లుగా భావిస్తున్నారు. కేసు నమోదు చేసుకుని నిందితులను గాలిస్తున్నారు.

మధ్యప్రదేశ్​లో దారుణమైన ఘటన ఆలస్యంగా వెలుగులోకి వచ్చింది. బాలాఘాట్​ జిల్లా పరసవాడ పోలీస్​ స్టేషన్​ పరిధిలోని బద్​గావ్​ అటవీ ప్రాంతంలో ఓ గుర్తు తెలియని మహిళ మృతదేహం కలకలం రేపింది. బద్​గావ్​ సర్పంచ్​ ఇచ్చిన సమాచారం మేరకు ఘటనా స్థలికి చేరుకున్న పోలీసులు.. మృతదేహం సగం కాలిన స్థితిలో ఉన్నట్లు తెలిపారు. ఘటనా స్థలంలో రక్తం మరకలతో ఉన్న రాళ్లు కనిపించటం వల్ల మహిళను అత్యాచారం చేసి తర్వాత రాళ్లతో కొట్టి చంపినట్లు అనుమానిస్తున్నారు. మహిళ చేతులపై మెహిందీ ఉన్నందున ఆమెకు కొత్తగా పెళ్లయి ఉంటుందని పోలీసులు భావిస్తున్నారు. మహిళ పాదరక్షలు, హెయిర్​ క్లిప్స్​, సారీ పిన్స్​ ఘటనా స్థలానికి కొంత దూరంలో లభ్యమయ్యాయన్నారు.

దుండగులు పథకం ప్రకారమే మహిళను అడవిలోకి తీసుకొచ్చి హత్య చేసినట్లు పోలీసులు అనుమానిస్తున్నారు. ఈ ఘటనపై కేసు నమోదు చేసి దర్యాప్తు చేస్తున్నారు.

ఇదీ చదవండి :మైనర్​పై సామూహిక అత్యాచారం- పట్టాలపై మృతదేహం