'కేజీఎఫ్' థియేటర్​లో..​ కాలు తాకిందని కాల్చేశాడు..

Gunfire While Watching KGF Chapter-2: కేజీఎఫ్​-2 సినిమా చూస్తుండగా కాలు తాకిందని వసంతకుమార్​ అనే యువకుడిని కాల్చాడు ఓ వ్యక్తి. ఈ ఘటన కర్ణాటకలోని హవేరి జిల్లాలో జరిగింది.

Gunfire While Watching KGF Chapter-2: కర్ణాటక హవేరి జిల్లా శిగ్గావిలో కాల్పులు కలకలం రేపాయి. వసంతకుమార్​ అనే యువకుడిని తుపాకీతో కాల్చాడు ఓ వ్యక్తి. కేజీఎఫ్​ చాప్టర్​-2 సినిమా చూస్తుండగా ఈ ఘటన జరిగింది. బాధితుడు కేజీఎఫ్​ సినిమా చూస్తుండగా.. నిందితుడికి కాలు తగిలింది. దీంతో కోపోద్రిక్తుడైన అతడు తుపాకీతో వసంతకుమార్​ను కాల్చాడు. తీవ్రగాయాలు కావడం వల్ల చికిత్స నిమిత్తం అతడిని కిమ్స్ ఆస్పత్రికి తరలించారు. దీనిపై కేసు నమోదు చేసుకున్న పోలీసులు నిందితుడి కోసం గాలిస్తున్నారు.

ఇదీ చదవండి:మామూలోడు కాదు.. ఐపీఎల్​ మ్యాచ్​లను సొంత యాప్​లో పెట్టేశాడు!