గుజరాత్లోని భరూచ్ జిల్లాలో హృదయవిదారక ఘటన వెలుగు చూసింది. 14 ఏళ్ల బాలికపై గుర్తు తెలియని వ్యక్తులు అత్యాచారానికి పాల్పడ్డారు. అనంతరం ఆమె గొంతు నులిమి దారుణంగా హత్య చేశారు.
ఇదీ జరిగింది..
అమోద్ పట్టణ సమీపంలోని గ్రామ శివారులో పడి ఉన్న బాలిక మృతదేహాన్ని గుర్తించిన స్థానికులు పోలీసులకు సమాచారం అందించారు. 'సోమవారం మధ్యాహ్నం కట్టెల కోసం ఇంటి నుంచి వెళ్లిన బాలిక సాయంత్రం వరకు తిరిగి రాలేదు. కుటుంబ సభ్యులు ఆమె కోసం వెతకగా.. పత్తిచేనులో శవమై కనిపించింది' అని పోలీసులు వివరించారు. పోస్ట్‌మార్టం నివేదిక ఆధారంగా బాలికపై అత్యాచారం చేసిన నిందితులు.. గొంతు నులిమి హత్య చేశారని వివరించారు. ఈ ఉదంతంలో గుర్తుతెలియని నిందితులపై ఐపీసీతో పాటు.. పోక్సో చట్టం కింద కేసు నమోదు చేశామని తెలిపారు.
సంఘటన స్థలానికి చేరుకున్న సీనియర్ పోలీసు అధికారులు.. నిందితుల కోసం గాలిస్తున్నట్లు తెలిపారు. క్రైమ్ బ్రాంచ్తో పాటు.. స్పెషల్ ఆపరేషన్స్ బృందాలను ఏర్పాటు చేశామని వివరించారు.