గుజరాత్లోని ఓ ఇ.ఎన్.టి ఆసుపత్రిలో దారుణం జరిగింది. తల్లీకూతుళ్లను హత్య చేశాడు ఆసుపత్రి కాంపౌండర్. చెవికి చికిత్స కోసం వచ్చిన వారిని.. డాక్టర్లాగా చికిత్స అందించి చంపేశాడు. అధిక డోస్ ఇంజక్షన్ ఇచ్చి తల్లీకూతుళ్ల చావుకు కారణమయ్యాడు. అహ్మదాబాద్‌, కాగ్రాపీఠ్లోని కర్ణ ఇ.ఎన్.టి ఆసుపత్రిలో ఈ ఘటన జరిగింది.
పోలీసులు తెలిపిన వివరాల ప్రకారం.. ఆసుపత్రిలో కాంపౌండర్గా పనిచేస్తున్న మన్సుఖ్ అనే వ్యక్తి ఈ దారుణానికి పాల్పడ్డాడు. గత 15 సంవత్సరాలుగా అతడు ఈ హాస్పిటల్లో పనిచేస్తున్నాడు. అయితే భారతీబెన్ అనే మహిళ చెవి నొప్పితో బాధపడుతోంది. దీంతో ఆమె తన తల్లి చంపాబెన్తో కలిసి కాగ్రాపీఠ్లోని కర్ణ ఇ.ఎన్.టి ఆసుపత్రికి వెళ్లింది. అక్కడి ఓ వైద్యుడ్ని సంప్రదించింది. పరీక్షల అనంతరం చెవికి ఆపరేషన్ చేయాలని, అందుకు రూ. 30వేలు ఖర్చు అవుతుందని చెప్పాడు డాక్టర్. దీంతో తల్లీకూతురు ఖర్చుకు వెనుకాడి తిరిగి ఇంటికి వచ్చారు. వాళ్ల బలహీనతను ఆసరాగా తీసుకున్న కాంపౌండర్ మన్సుఖ్.. రూ. 5వేలకే ఆపరేషన్ చేస్తానని నమ్మించాడు. అందుకు ఆ తల్లీకూతుళ్లు ఒప్పుకున్నారు.
డాక్టర్ లేని సమయంలో భారతీబెన్కు చికిత్స చేశాడు కాంపౌండర్. ఒక చెవికి చికిత్స బాగానే చేసినా.. మరో చెవికి వైద్యం చేసే సమయంలో ఆమె చనిపోయింది. అనంతరం భారతీబెన్ తల్లి.. చంపాబెన్నూ అధిక డోస్ ఇంజెక్షన్ ఇచ్చి హత్య చేశాడు. ఆసుపత్రిలో అల్మారాలో మృతదేహాలను ఉంచాడు. ఆ సమయంలో గంట పాటు ఆసుపత్రి సీసీటీవీ కెమెరాలు పనిచేయకుండా చేశాడు.
మృతదేహాలను గమనించిన ఆసుపత్రి సిబ్బంది.. పోలీసులకు సమాచారం అందించారు. ఘటనా స్థలానికి చేరుకున్న పోలీసులు.. వివిధ కోణాల్లో దర్యాప్తు జరిపారు. మన్సుఖ్ ఈ దారుణానికి పాల్పడ్డట్లుగా తేల్చారు. నిందితుడు నేరాన్ని అంగీకరించినట్లుగా పోలీసులు తెలిపారు. అయితే మన్సుఖ్ మృతులకు బంధువని పోలీసు విచారణలో తేలింది.
మహిళపై అత్యాచారం..
మత్తు మందు కలిపిన కూల్డ్రింక్ తాగించి.. మహిళపై అత్యాచారం చేశాడు ఓ యువకుడు. దేశ రాజధాని దిల్లీలో ఈ ఘటన జరిగింది. పోలీసులు తెలిపిన వివరాల ప్రకారం.. బాధిత మహిళ తన కుటుంబంతో కలిసి సమయపుర్ బద్లీలో నివాసం ఉంటుంది. కొద్ది నెలల క్రితం ఆమెకు.. తన ఇంటి ముందున్న ఓ యువకుడితో పరిచయం ఏర్పడింది. ఇద్దరు ఫోన్ నంబర్లు ఒకరికొకరు ఇచ్చుకున్నారు. అనంతరం ఫోన్లో మాట్లాడుకునేవారు. అప్పుడప్పుడు లిబాస్పుర్ అనే ప్రాంతంలో కలుసుకునే వారు. ఒకరోజు మహిళకు ఫోన్ చేసిన నిందితుడు.. ఆమెను లిబాస్పుర్కు రమ్మన్నాడు. రోహిణి సెక్టార్ 18లోని ఓ హోటల్కు మహిళను తీసుకెళ్లాడు. మత్తు మందు కలిపిన కూల్డ్రింక్ను ఆమెతో తాగించాడు. అనంతరం మహిళపై అత్యాచారం చేశాడు.
"కూల్డ్రింక్ తాగిన వెంటనే నేను సృహ కోల్పోయాను. మెలుకువ వచ్చే సరికి ఒంటిపై బట్టలు లేవు. అతన్ని నిలదీయగా, తన దగ్గర నా వీడియోలు ఉన్నాయని, అవి నా భర్తకు పంపిస్తానని బెదిరిస్తున్నాడు" అని బాధితురాలు వాపోయింది. వీడియోలను ఆసరాగా చేసుకున్న ఆ యువకుడు.. పలుమార్లు బాధిత మహిళపై అఘాయిత్యానికి పాల్పడ్డాడు. అతని వేధింపులు తట్టుకోలేని ఆమె.. చివరకు పోలీసులకు ఆశ్రయించింది. ఘటనపై వారికి ఫిర్యాదు చేసింది. కేసు నమోదు చేసుకున్న పోలీసులు.. బాధితురాలికి కౌన్సిలింగ్ ఇచ్చినట్లు చెప్పారు. విచారణ జరుపుతున్నట్లు వారు వెల్లడించారు.
