గుజరాత్​ సీఎంకు కరోనా పాజిటివ్​

గుజరాత్​ ముఖ్యమంత్రి విజయ్​ రుపానీకి కరోనా సోకింది. ఆదివారం అస్వస్థతకు గురైన ఆయనకు వైద్య పరీక్షలు నిర్వహించగా ఈ మేరకు తెలిసినట్లు ఆసుపత్రి వర్గాలు వెల్లడించాయి.

గుజరాత్​ ముఖ్యమంత్రి విజయ్​ రుపానీకి కరోనా సోకినట్లు నిర్ధరణ అయింది. ఆదివారం ఎన్నికల ప్రచారంలో భాగంగా వడోదరలో వేదికపై ప్రసంగిస్తూ కుప్పకూలిపోయారు. చికిత్స నిమిత్తం అహ్మదాబాద్​లోని యూ.ఎన్​ మెహతా ఆసుపత్రిలో చేరారు. ఆయన ఆరోగ్యం నిలకడగా ఉందని వైద్యులు ఆదివారం తెలిపారు.

కరోనా పరీక్షల నిమిత్తం ఆదివారం రాత్రి శాంపుల్స్​ సేకరించారు వైద్యులు. ఈ టెస్టుల్లో వైరస్​ సోకినట్లు బయటపడిందని ఆసుపత్రి వర్గాలు సోమవారం వెల్లడించాయి. తనను కలిసిన వారందరూ కరోనా పరీక్షలు చేయించుకోవాలని రుపానీ విజ్ఞప్తి చేశారు.

ఇదీ చదవండి:వేదిక మీదే కుప్పకూలిన ముఖ్యమంత్రి