రాజస్థాన్లోని ఓ యువ రైతుకు జీఎస్టీ అధికారులు షాక్ ఇచ్చారు. దిల్లీలో రూ.90 కోట్లకు పైగా లావాదేవీలు చేశాడంటూ నోటీసులు పంపించారు. దీనికి గాను రూ. 1,39,79,407 పన్నుగా కట్టాలని నోటీసులో పేర్కొన్నారు. దీంతో అతడు లబోదిబోమంటూ.. కోర్టు చుట్టూ తిరుగుతున్నాడు.
రూ.కోటి పన్ను కట్టాలంటూ రైతుకు జీఎస్టీ నోటీసులు.. సున్నాలెన్నో కూడా తెలియదన్న బాధితుడు
ఓ రైతుకు జీఎస్టీ అధికారులు షాక్ ఇచ్చారు. ఆ రైతు దిల్లీలో రూ.90 కోట్లు లావాదేవీలు చేశాడని.. దాదాపుగా 1.4 కోట్లు పన్ను కట్టాలని నోటీసులు పంపించారు. అయితే తనకు అసలు రూ.90 కోట్లకు ఎన్ని సున్నాలు ఉంటాయో కూడా తెలియదని ఆ బాధితుడు వాపోతున్నాడు.
GST department notice to youth
అసలేం ఏం జరిగిందంటే..?
జైసల్మేర్లోని సామ్ గ్రామానికి చెందిన అశోక్ కుమార్ అనే యువరైతుకు జీఎస్టీ నోటీసులు అందాయి. "జనవరి 5న జీఎస్టీ డిపార్ట్మెంట్ నుంచి నోటీసులు అందాయి. ఒక్కసారిగా బయపడ్డాను. దీనిపై సంబంధిత అధికారులను కలిశాను. దిల్లీలోని ఓ సంస్థ నా పాన్కార్డ్తో లావాదేవీలు చేస్తోందని తెలుసుకున్నాను. నేను దీనిపై ఫిర్యాదు చేశాను. నా వ్యక్తిగత వివరాలను జీఎస్టీ అధికారులకు అందించాను. నిజానికి రూ. 90 కోట్లకు ఎన్ని సున్నాలు ఉంటాయో నాకు తెలియదు" అని బాధితుడు తెలిపాడు. ఇదిలా ఉండగా.. వీలైనంత త్వరగా పన్ను చెల్లించాలని లేకుంటే కఠిన చర్యలు తీసుకుంటామని నోటీసులో పేర్కొన్నారు.
అయితే, ఇదే తరహాలో జైసల్మేర్లో ఓ వ్యక్తికి జీఎస్టీ అధికారులు.. కోటిన్నర పన్ను కట్టాలని నోటీసులు పంపించారు. ఆ పూర్తి వివరాల కోసం ఇక్కడ క్లిక్ చేయండి.