ఈ పార్లమెంట్ శీతాకాల సమావేశాల్లో క్రిప్టో కరెన్సీ బిల్లును(cryptocurrency bill) ప్రవేశపెట్టనుంది ప్రభుత్వం. 'ది క్రిప్టోకరెన్సీ, రెగ్యులేషన్ ఆఫ్ అఫీషియల్ డిజిటల్ కరెన్సీ బిల్లు 2021'ను తీసుకురానునుంది.
ఆర్‌బీఐ జారీ చేసే అధికారిక డిజిటల్ కరెన్సీ విధివిధానాలను ఈ బిల్లు ద్వారా జారీ చేయనున్నారు. అలాగే దేశంలోని ప్రైవేట్ క్రిప్టోకరెన్సీలను నిషేధించనున్నారు.
సాగు చట్టాలు కూడా..
ఈ శీతాకాల సమావేశాల్లో మొత్తం 26 బిల్లులు సభ ముందుకు రానున్నాయి. సాగు చట్టాలను రద్దు చేస్తూ ప్రభుత్వం ప్రవేశపెట్టనున్న 'ది ఫార్మ్ లాస్ రిపెల్ బిల్ 2021' కూడా ఉంది. మూడు చట్టాలను రద్దు చేస్తున్నట్టు.. ప్రధానమంత్రి నరేంద్ర మోదీ ఇటీవలే ప్రకటించారు.
ఈ నెల 29 నుంచి పార్లమెంట్ సమావేశాలు జరగనున్నాయి. డిసెంబర్ 23న ముగియనున్నాయి.
ఇదీ చదవండి:pm all party meeting: మోదీ అధ్యక్షతన ఆదివారం అఖిలపక్ష సమావేశం!
