కరోనా వైరస్‌ ఆనవాళ్లను నిర్ధరించేందుకు వినియోగిస్తున్న ర్యాపిడ్‌ యాంటీజెన్‌ టెస్టింగ్ కిట్ల ఎగుమతులపై కేంద్రం ఆంక్షలు విధించింది. దేశంలో థర్డ్‌వేవ్‌కు అవకాశం ఉందంటూ పలువురు నిపుణులు హెచ్చరిస్తున్న వేళ ఈ నిర్ణయం తీసుకుంది. కొవిడ్‌- 19 యాంటీజెన్‌ టెస్టింగ్ కిట్‌లను ఎగుమతులపై ఆంక్షల కేటగిరీలో ఉంచుతున్నామని, తక్షణమే ఈ ఆదేశాలు అమలులోకి వస్తాయని విదేశీ వాణిజ్య డైరెక్టరేట్‌ జనరల్‌ (డీజీఎఫ్‌టీ) నోటిఫికేషన్‌లో పేర్కొంది.
కరోనా మూడో దశ హెచ్చరికలు.. వాటి ఎగుమతిపై ఆంక్షలు - యాంటీ జెన్ కిట్ ఎగుమతులపై కేంద్రం
కొవిడ్‌- 19 యాంటీజెన్‌ టెస్టింగ్ కిట్ల ఎగుమతులపై ఆంక్షలు విధిస్తున్నట్లు కేంద్రం తెలిపింది. దేశంలో మూడో దశ కరోనా విజృంభణ ముప్పు పొంచి ఉందని నిపుణులు హెచ్చరిస్తున్న నేపథ్యంలో ఈ నిర్ణయం తీసుకుంది.
కరోనా టెస్టింగ్ కిట్లు
ఆంక్షల కేటగిరీలో ఉంచిన వస్తువులను ఎగుమతి చేయాలంటే ఎగుమతిదారులు డీజీఎఫ్‌టీ నుంచి అనుమతులు పొందాల్సి ఉంటుంది. రాబోయే కాలంలో మన దేశంలో థర్డ్‌వేవ్‌కు అవకాశం ఉందన్న హెచ్చరికల నేపథ్యంలో ఈ కిట్ల లభ్యతను పెంచడమే లక్ష్యంగా కేంద్రం ఈ నిర్ణయం తీసుకోవడం గమనార్హం.
ఇదీ చూడండి:వణికిస్తున్న మహమ్మారి- లక్ష్యానికి దూరంగా టీకా ప్రక్రియ
Last Updated : Aug 17, 2021, 6:53 AM IST