ప్రధానమంత్రి నరేంద్ర మోదీని గూగుల్ సీఈఓ సుందర్ పిచాయ్ దిల్లీలో కలిశారు. సాంకేతికత, ఆవిష్కరణలు సహా పలు అంశాలపై ఇరువురూ చర్చించినట్లు తెలుస్తోంది. ఈ మేరకు ట్వీట్ చేసిన సుందర్ పిచాయ్.. జీ20 కూటమికి భారత్ అధ్యక్షత వహించడాన్ని ప్రస్తావించారు. ఈ విషయంలో తాము భారత్తో కలిసి పనిచేస్తామని తెలిపారు. మోదీ నేతృత్వంలో దేశంలో సాంకేతికపరమైన మార్పులు వేగంగా జరుగుతున్నాయని కితాబిచ్చారు.
'మోదీజీ.. మీ నాయకత్వం భేష్.. భారత్ వేగంగా మారుతోంది'.. సుందర్ పిచాయ్ కితాబు
గూగుల్ సీఈఓ సుందర్ పిచాయ్.. ప్రధానమంత్రి నరేంద్ర మోదీతో భేటీ అయ్యారు. మోదీ నాయకత్వంలో భారత్లో వేగంగా మార్పులు వస్తున్నాయని అన్నారు.
GOOGLE PICHAI MODI
ప్రతిభకు చిహ్నం..
మరోవైపు, సుందర్ పిచాయ్ను.. భారతీయుల ప్రతిభకు చిహ్నంగా అభివర్ణించారు రాష్ట్రపతి ద్రౌపది ముర్ము. రాష్ట్రపతి భవన్లో సుందర్తో భేటీ అయిన ముర్ము.. భారత్లో ప్రజలందరూ డిజిటల్ అక్షరాస్యత సాధించేందుకు కృషి చేయాలని ఆయనకు పిలుపునిచ్చారు.
'గూగుల్ ఫర్ ఇండియా' కార్యక్రమానికి హాజరయ్యేందుకు భారత్కు వచ్చారు సుందర్ పిచాయ్. స్టార్టప్లకు ప్రోత్సాహం అందించే లక్ష్యంతో ఈ కార్యక్రమం నిర్వహిస్తున్నారు. భారత స్టార్టప్లలో 300 మిలియన్ డాలర్లు వెచ్చించనున్నట్లు గూగుల్ ఇదివరకు ప్రకటించింది. ఇందులో నాలుగో వంతు మహిళలు నాయకత్వం వహిస్తున్న స్టార్టప్లలో పెట్టుబడులు పెట్టనుంది.