పట్టపగలే మహిళల ఖతర్నాక్ చోరీ- క్షణాల్లో బంగారం బాక్స్​ మాయం

Gold Theft News: మహారాష్ట్ర నాసిక్​ జిల్లా సరాఫ్​ బజార్​లో ముగ్గురు మహిళలు పట్టపగలే బంగారం చోరీ చేశారు. యజమానికి ఉండగానే రూ.4.5 లక్షలు విలువ చేసే బంగారాన్ని కొట్టేశారు. సీసీటీవీ కెమెరా దృశ్యాలు చూశాక యజమానికి చోరీ జరిగిందన్న విషయం తెలిసింది. దీంతో బాధితుడు పోలీసులను ఆశ్రయించాడు.

Gold Theft News: బంగారం కొనడానికి అంటూ వచ్చిన ముగ్గురు మహిళలు ఆ దుకాణం యజమాని కళ్లుగప్పి రూ. 4.5 లక్షలు విలువ చేసే బంగారం బాక్స్​ కొట్టేశారు. మహారాష్ట్ర నాసిక్​లో బుధవారం జరిగిందీ ఘటన.

చోరీకి పాల్పడుతున్న మహిళలు

ఇదీ జరిగింది..

సరాఫ్ బజార్​లోని ఓ బంగారం దుకాణానికి చిన్న పిల్లతో కలిసి ముగ్గురు మహిళలు వచ్చారు. ఆ నగ చూపించండి, ఈ ఆభరణం ధరెంత అంటూ హడావుడి చేసి.. షాప్ యజమానిని కన్ఫ్యూజ్ చేసేశారు. అప్పుడే ఆయనకు ఫోన్ కాల్ రాగా వారి పని మరింత సులువైంది. పట్టపగలే, షాప్ ఓనర్ ఎదుటే.. రూ.4.5 లక్షల బంగారు ఆభరణం పెట్టెను ఖతర్నాక్​గా కొట్టేసింది ఓ మహిళ. తనతో వచ్చిన చిన్న పిల్లకు ఇచ్చి, బయటకు పంపేసింది. తర్వాత ఎప్పుడో సీసీటీవీ కెమెరా దృశ్యాలు చూశాక చోరీ జరిగిందని యజమానికి అర్థమైంది. ఆయన ఫిర్యాదు మేరకు సర్కార్​వాడా ఠాణా పోలీసులు దర్యాప్తు ప్రారంభించారు.

ఇదీ చూడండి :మంకీ ఫీవర్​ కలకలం- ఆ రాష్ట్రంలో తొలికేసు