అతడిపై కోపం.. సెల్​ఫోన్​ మింగిన అమ్మాయి.. చివరకు..

ఓ యువతి తన సోదరుడితో గొడవ పడి సెల్​ఫోన్​ మింగేసింది. పరిస్థితి మిషమించడం వల్ల ఆమెను ఆస్పత్రికి తరలించారు. కడుపులో సెల్​ఫోన్​ను గుర్తించిన వైద్యులు.. దాదాపు రెండు గంటల పాటు సర్జరీ చేశారు. ఆ తర్వాత ఏమైందంటే..

తన సోదరుడితో గొడవ పడి ఓ యువతి కీప్యాడ్​ సెల్​ఫోన్​ను మింగేసింది. వాంతులతో, తీవ్ర కడుపు నొప్పితో బాధపడుతున్న ఆమెను కుటుంబ సభ్యులు ఆస్పత్రికి తరలించారు. పొట్టలో సెల్​ఫోన్​ ఉన్నట్లు గుర్తించిన వైద్యులు.. దాదాపు రెండు గంటల పాటు శ్రమించి.. శస్త్ర చికిత్స చేశారు. ఈ ఘటన మధ్యప్రదేశ్​లో జరిగింది.

అసలు ఏం జరిగిందంటే.. మధ్యప్రదేశ్​లోని భిండ్​కు చెందిన అను అనే 18 ఏళ్ల అమ్మాయి.. తన సోదరుడితో గొడవ పడింది. ఇద్దరి మధ్య తీవ్ర వాగ్వాదం జరిగింది. దీంతో మనస్తాపం చెందిన అను.. కీప్యాడ్​ ఉన్న చైనీస్​ మొబైల్​ ఫోన్​ను మింగేసింది. అనంతరం వాంతులు చేసుకోవడం మొదలు పెట్టింది. కడుపు నొప్పి కూడా తీవ్రమైంది. ఈ విషయం కుటుంబ సభ్యులకు తెలిసిన వెంటనే.. గ్వాలియర్​లోని జయారోగ్య ఆస్పత్రికి తరలించారు. ఆ అమ్మాయికి ఎక్స్​రే, అల్ట్రా సౌండ్​, సీటీ స్కాన్ పరీక్ష​లు నిర్వహించి.. ఆమె పొట్టలో సెల్​ ఫోన్​ ఉన్నట్లు వైద్యులు గుర్తించారు. అనంతరం దాదాపు రెండు గంటల పాటు శ్రమించిన వైద్యులు.. కష్టతరమైన శస్త్ర చికిత్స విజయవంతంగా పూర్తిచేసి సెల్​ ఫోన్​ను బయటకు తీశారు. ప్రస్తుతం ఆమె ఆరోగ్య పరిస్థితి నిలకడగా ఉందని వైద్యులు తెలిపారు. తర్వలోనే డిశ్ఛార్జ్​ అయ్యే అవకాశం ఉందని చెప్పారు.

ఇలాంటి కేసు తన కెరీర్‌లో చూడలేదని.. రెండు దశాబ్దాలకు పైగా అనుభవం ఉన్న వైద్య నిపుణుడు డాక్టర్ కుష్వాహా తెలిపారు. చిన్న పిల్లలకు సెల్​ ఫోన్లు అప్పగించేటప్పుడు జాగ్రత్తగా ఉండాలని ఆయన సూచించారు. అలాంటి పరికరాలు అందించేటప్పుడు తల్లిందండ్రులు తమ పిల్లల పట్ల బాధ్యతగా వ్యవహరించాలని హితవు పలికారు.

సెల్​ఫోన్​ మింగిన ఖైదీ..
ఇలాంటి ఘటన ఇంతకుముందు కూడా జరిగింది. బిహార్​లోని గోపాల్​గంజ్ జిల్లా​ జైలులో ఒక ఖైదీ సెల్​ఫోన్​ మింగేసి తీవ్ర అస్వస్థతకు గురయ్యాడు. ఖైదీల దగ్గర ఫోన్లు ఉన్నాయన్న సమాచారంతో అధికారులు తనిఖీలు చేస్తున్న సమయంలో అతడు ఇలా చేశాడు. ఆ వ్యక్తికి విపరీతమైన కడుపు నొప్పి రావడం వల్ల ఏం జరిగిందా అని ఆరా తీస్తే అసలు విషయం బయటపడింది. వెంటనే అతడిని జైలు సిబ్బంది ఆస్పత్రికి తరలించారు. ఆ తర్వాత ఏమైందో తెలుసుకోవాలంటే ఇక్కడ క్లిక్​ చేయండి.

బ్లేడ్​ను మింగిన చిన్నారి..
కోల్​కతాలో 11 నెలల చిన్నారి బ్లేడ్​ మింగాడు. దీంతో అతడు అపస్మారక స్థితిలోకి వెళ్లిపోయాడు. అనంతరం అతడి కుటుంబ సభ్యులు ఆస్పత్రికి తరలించారు. వైద్యులు 45 నిమిషాల పైటు కష్టపడి శస్త్ర చికిత్స చేశారు. పూర్తి వివరాల కోసం ఇక్కడ క్లిక్​ చేయండి.

• ఇవీ చదవండి :