Girl Suicide In Rajasthan: సెల్ఫోన్ ఉచ్చులో పడి చాలా మంది యువత నిండు జీవితాల్ని బలితీసుకుంటున్నారు. మరికొంతమంది ఫోన్ వాడకానికి బానిసై మతిస్థిమితం లేకుండా ప్రవర్తిస్తున్నారు. ఇలాంటి విషాదకరమైన ఘటనే రాజస్థాన్ జైపుర్లోని సోద్లాలో జరిగింది. బర్త్డేకు కొత్త మొబైల్ఫోన్ కొనకపోవడం వల్ల.. మనస్తాపంతో ఓ బాలిక(18) ఆత్మహత్య చేసుకుంది.
బాలిక 12వ తరగతి చదువుతోంది. ఫిబ్రవరి 13న ఆమె పుట్టినరోజు కాగా పబ్జీ ఆడుకునేందుకు కొత్త సెల్ కావాలని తల్లిదండ్రులకు చెప్పింది. పరీక్షలు అయిపోయాక కొనిస్తానని బాలిక తండ్రి చెప్పాడు. అయితే సెల్ కొనలేదన్న మనస్తాపంతో ఇంట్లోనే ఉరివేసుకుంది.