బర్త్​డే అని పిలిచి ప్రేయసికి నిప్పంటించి.. ఆపై తానూ!

girl set on fire by boyfriend: బర్త్​డే సెలబ్రేషన్​ ఉందంటూ 16 ఏళ్ల బాలికను ఇంటికి పిలిచిన ఓ యువకుడు ఆమెకు నిప్పంటించి.. ఆ తర్వాత తానూ ఆత్మహత్యాకు పాల్పడ్డాడు. ఈ సంఘటన కేరళ, పాలక్కాడ్​ జిల్లాలో ఆదివారం ఉదయం జరిగింది. అయితే, వారి ప్రేమకు ఇరువురి కుటుంబ సభ్యులు నిరాకరించటమే కారణంగా తెలుస్తోంది.

girl set fire by boyfriend: తన పుట్టినరోజు వేడుకలు ఉన్నాయంటూ ఇంటికి పిలిచి ఓ 16 ఏళ్ల బాలికకు నిప్పంటించాడు యువకుడు. ఆ తర్వాత తానూ నిప్పుపెట్టుకుని ఆత్మహత్యాయత్నం చేశాడు. తీవ్ర గాయాలతో ఆసుపత్రిలో చికిత్స పొందుతూ ఇరువురు ప్రాణాలు కోల్పోయారు. ఈ సంఘటన కేరళలోని పాలక్కాడ్​ జిల్లాలో ఆదివారం ఉదయం 7 గంటల ప్రాంతంలో జరిగింది.

ఇదీ జరిగింది: జిల్లాలోని కొల్లెంగోడ్​ గ్రామానికి చెందిన బాలసుబ్రమణియం(23) తన బర్త్​డే ఉందంటూ ఆ బాలికను ఇంటికి పిలిచాడు. ఉదయం 7 గంటలకు ఇంటికి వెళ్లిన ఆమెను గదిలోకి తీసుకెళ్లి నిప్పంటించాడు. ఆ తర్వాత తానూ అంటించుకుని ఆత్మహత్యాయత్నం చేశాడు. ఆ సమయంలో ఇంట్లో బాలసుబ్రమణియం​ తల్లి, తమ్ముడు మాత్రమే ఉన్నారు. తీవ్ర గాయాలైన ఇరువురిని స్థానికుల సాయంతో తొలుత త్రిస్సూర్​ వైద్య కళాశాలకు తరలించారు. ఆ తర్వాత మెరుగైన వైద్యం కోసం ఎర్నాకులంలోని ఓ ప్రైవేటు ఆసుపత్రికి తీసుకెళ్లారు. అక్కడ చికిత్స పొందుతూ మధ్యాహ్నం మృతి చెందారు.

స్థానికులు తెలిపిన వివరాల ప్రకారం.. ఇరువురు చాలా కాలంగా ప్రేమించుకుంటున్నట్లు తెలిసింది. వారి ప్రేమను రెండు కుటుంబాలు నిరాకరించాయి. దాని కారణంగానే బాలసుబ్రమణియం​ బాలికకు నిప్పుపెట్టి ఆ తర్వాత ఆత్మహత్యకు పాల్పడి ఉంటాడని వెల్లడించారు. కానీ, బాలికతో ప్రేమ, సంబంధం గురించి తమకు ఎలాంటి వివరాలు చెప్పలేదని బాధితుడి తల్లి పేర్కొంది. ఇంటికి ఎలా వచ్చిందో కూడా తమకు తెలియదని చెప్పింది.

ఇదీ చూడండి:కండోమ్ లేకుండా సెక్స్.. 17లక్షల మందికి హెచ్​ఐవీ​.. ఆంధ్రప్రదేశ్​ టాప్!