Girl Advertisement for Groom: పెళ్లీడు వచ్చిన అమ్మాయిలకు తల్లిదండ్రులు సంబంధాలు చూస్తుంటారు. అబ్బాయిని చూడమని బంధువులు, సన్నిహితులకు చెబుతుంటారు. అయితే ఝార్ఖండ్ హజారీబాగ్కు చెందిన ఓ యువతి మాత్రం తన సంబంధం తానే చూసుకుంటోంది. వరుడు కావాలని పత్రికా ప్రకటన ఇచ్చింది. ఓ పెళ్లి వేడుకలో గోడపై దీన్ని అతికించింది. తనకు ఎలాంటి వాడు కావాలో పూస గుచ్చినట్లు ప్రకటనలో తెలిపింది. ఆసక్తి ఉన్నవారు సంప్రదించేందుకు రెండు ఫోన్ నంబర్లు కూడా ఇచ్చింది.
వరుడు కావాలని యాడ్ ఇచ్చిన యువతి.. అబ్బాయి అలా ఉంటేనే పెళ్లి..!
Girl marriage Add: వరుడు కావాలని పత్రికా ప్రకటన ఇచ్చింది ఓ యువతి. తనకు కాబోయే వాడు ఎలా ఉండాలో పూస గుచ్చినట్లు చెప్పింది. ఆసక్తిగలవారు సంప్రదించేందుకు రెండు ఫోన్ నంబర్లు కూడా ఇచ్చింది. ఇంతకీ ఆమె ఎవరంటే..?
వరుడు కావాలని యాడ్ ఇచ్చిన యువతి
ఈ యువతి హజారీబాగ్ ఝండా చౌక్ సమీపంలోని బంగాలీ దుర్గాలో నివాసముంటోంది. పత్రికా ప్రకటనలో చెప్పిన వివరాలు ప్రకారం ఆమెకు ఎలాంటి వాడు కావాలంటే..
అబ్బాయి మంచి వాడు అయి ఉండాలంట. తనను, తన కుటుంబాన్ని బాగా చూసుకోవాలంట. వయసు 30-40 ఏళ్ల మధ్య ఉండాలి. నిజాయితీగా ఉండాలి. అబద్దాలు చెప్పకూడదు. పిసినారితనం ఉండకూడదు. ఏ కులానికి చెందినవాడైనా అభ్యంతరం లేదు. మరీ హైపర్ యాక్టివ్గా ఉండనక్కర్లేదు. కాస్త యాక్టివ్గా ఉంటే చాలు. తనకంటే చిన్నవాడైనా సరే ఆసక్తి ఉంటే ఓకే. ఈ నిబంధనలు వర్తించేవారు సంప్రదించేందుకు ఫోన్ నంబర్లు కూడా ఇచ్చింది యువతి. ఈ ప్రకటన చూసిన వాళ్లంతా ఔరా అనుకుంటున్నారు. పెళ్లి కావాలని ఓ యువతి ప్రకటన ఇవ్వడమేంటమని ఆశ్చర్యపోతున్నారు. ఈ గోడ పత్రికను ఫొటోను తీసి సామాజిక మాధ్యమాల్లో షేర్ చేస్తున్నారు. స్థానికంగా ఈ విషయమే చర్చనీయాంశమైంది.