రోడ్డు దాటుతుండగా దూసుకెళ్లిన పోలీస్ వాహనం- యువతి మృతి

రోడ్డు దాటేందుకు ప్రయత్నిస్తున్న యువతులను పైకి.. అతివేగంగా వస్తున్న వాహనం దూసుకెళ్లింది. ఈ ఘటనలో ఓ యువతి మరణించగా.. మరొకరికి తీవ్రగాయాలయ్యాయి. ప్రమాదానికి కారణమైన వాహనాన్ని ఓ పోలీస్ ఇన్​స్పెక్టర్ నడిపినట్లు తెలిసింది. (Jalandhar accident today)

పంజాబ్​లోని జలంధర్​లో ఘోర ప్రమాదం (Jalandhar accident news today) జరిగింది. ఫగ్​వాడా నుంచి వస్తున్న ఓ వాహనం.. ధనోవాలి గేట్ వద్ద హైవే దాటుతున్న ఇద్దరు యువతులపైకి దూసుకెళ్లింది. ఈ ఘటనలో ఓ యువతి అక్కడికక్కడే మృతి చెందింది. మరో యువతికి తీవ్రగాయాలయ్యాయి. ఆమెను ఆస్పత్రికి తరలించారు. (Jalandhar accident news)

సోమవారం ఉదయం 8.30 గంటలకు ఘటన (Jalandhar accident today) జరిగింది. యువతులను ఢీకొట్టిన వాహనాన్ని ఓ పోలీస్ ఇన్​స్పెక్టర్ నడుపుతున్నారు. ప్రమాదం జరిగిన తర్వాత కూడా వాహనాన్ని ఆపలేదు. వాహనం వేగానికి.. ఢీకొట్టిన వెంటనే యువతి ఎగిరిపడింది. ఈ దృశ్యాలు సీసీటీవీలో రికార్డయ్యాయి.

నిరసన

యువతులు ఇద్దరూ సమీపంలోని ధనోవాలి గ్రామానికి చెందినవారని అధికారులు తెలిపారు. జలంధర్​లోని ఓ కార్ షోరూంలో పనిచేస్తున్నారని చెప్పారు. ఘటన నేపథ్యంలో ధనోవాలిలో విషాద ఛాయలు అలుముకున్నాయి. పోలీస్ ఇన్​స్పెక్టర్ తీరుకు నిరసనగా మృతురాలి కుటుంబ సభ్యులు, స్థానికులు ఆందోళనకు దిగారు.

ఇదీ చదవండి:ఒకే పాముకు తోబుట్టువులు బలి.. రెండు రోజుల వ్యవధిలో...