కర్ణాటకలో వైద్యుడిపై దాడి చేసిన కేసులో నలుగురు నిందితులను పోలీసులు అరెస్టు చేశారు. సోమవారం మధ్యాహ్నం ఓ వైద్యుడు మధ్యాహ్న భోజనం కోసం ఇంటికి వెళ్తుండగా.. కొంత మంది అటకాయించి ఆయనపై దాడికి పాల్పడ్డారు. చిక్కమగళూరులోని తారికేరెలో ఈ ఘటన జరిగింది.
వైద్యుడిపై దాడి- నలుగురు నిందితులు అరెస్టు - attacking a doctor in Chikkamagaluru
కర్ణాటక చిక్కమగళూరులో వైద్యుడిపై దాడి చేసి పరారైన నలుగురు నిందితుల్ని పోలీసులు బుధవారం అరెస్టు చేశారు. నిందితులపై తగిన చర్యలు తీసుకుంటామని ఆ రాష్ట్ర ఉపముఖ్యమంత్రి అశ్వత్ నారాయణ్ స్పష్టం చేశారు.
వైద్యుడిపై దాడి
తమ చిన్నారి ఆస్పత్రిలో చికిత్స పొందుతూ మృతిచెందగా నిందితులు ఆగ్రహానికి గురయ్యారని చిక్కమగళూరు ఎస్పీ తెలిపారు. దీంతో.. చిన్నారి మృతికి వైద్యుడే కారణమని ఆరోపిస్తూ.. ఆయనపై వారు దాడికి పాల్పడ్డారని చెప్పారు.
ఈ ఘటనపై కర్ణాటక ఉపముఖ్యమంత్రి డాక్టర్ సీఎన్ అశ్వత్నారాయణ్ ఆగ్రహం వ్యక్తం చేశారు. చట్టాన్ని తమ చేతుల్లోకి తీసుకుని వైద్యునిపై దాడి చేసిన నిందితులపై తగిన చర్యలు తీసుకుంటామని చెప్పారు.