తన పుట్టినరోజు సందర్భంగా తండ్రి ఫొటోకు పూలమాల వేసి ఆశీస్సులు తీసుకుంటూనే కుప్పుకూలిపోయారు డీఎంకే నేత, మాజీ ఎమ్మెల్యే వీరపాండి రాజా(veerapandi raja news). గుండెపోటు రావటం వల్ల ఆసుపత్రికి తరలించే లోపే ప్రాణాలు కోల్పోయారు((veerapandi raja death)).
ఇదీ జరిగింది..
డీఎంకే నేత, మాజీ ఎమ్మెల్యే వీరపాండి ఏ రాజా(veerapandi raja mla) శనివారం 59వ పడిలోకి అడుగుపెట్టారు. ఈ క్రమంలోనే సేలంలోని తన నివాసంలో తండ్రి ఫొటోకు పూల మాల వేసేందుకు ప్రయత్నించగా.. గుండెపోటు వచ్చి అక్కడే కుప్పకూలారు. ఆ వెంటనే ఆసుపత్రికి తరలించారు కుటుంబ సభ్యులు. కానీ, మార్గమధ్యలోనే ప్రాణాలు కోల్పోయినట్లు వైద్యులు తెలిపారు. రాజాకు భార్య, ఇద్దరు కుమార్తెలు ఉన్నారు.