నీళ్ల ట్యాంకర్​ను ఢీకొన్న వ్యాన్​- ఐదుగురు మహిళలు మృతి

నీళ్ల ట్యాంకర్​ను వ్యాన్ ఢీకొన్న ఘటనలో ఐదుగురు మహిళా కూలీలు మృతి చెందారు. మరో 10 మంది గాయపడ్డారు. క్షతగాత్రులను ఆస్పత్రికి తరలించారు.

తమిళనాడు తూత్తుకుడిలో ఘోర ప్రమాదం జరిగింది. వ్యాన్​-లారీ ఢీకొన్న ఘటనలో ఐదుగురు మహిళా కూలీలు మరణించారు. మరో 10 మందికి తీవ్ర గాయాలయ్యాయి. గురువారం ఉదయం ఈ ఘటన జరిగింది.

ఒట్టాపిదరం తాలుకా పుతియాంబుతూర్ ప్రాంతానికి చెందిన మహిళా కూలీలతో తూత్తుకుడిలో ఓ​ ప్రైవేట్ కంపెనీకి చెందిన ఓ వ్యాను.. నీళ్ల ట్యాంకర్​తో వెళ్తున్న లారీని ఢీకొట్టగా ఈ ప్రమాదం జరిగింది. ఈ ఘటనలో ముగ్గురు మహిళలు అక్కడిక్కడే మరణించారు. మరో ఇద్దరు.. అస్పత్రికి తరలిస్తుంటే ప్రాణాలు కోల్పోయారు.

ప్రమాదంలో నుజ్జనుజ్జయిన వ్యాన్​

నీళ్ల ట్యాంకర్​ను ఢీకొన్న వ్యాన్​

ప్రమాద సమాచారం తెలుసుకున్న వెంటనే పుతియాంబతుర్ పోలీసులు ఘటనాస్థలికి చేరుకున్నారు. క్షతగాత్రులను తూత్తుకుడి ప్రభుత్వ వైద్య కళాశాలకు తరలించారు.

ఇదీ చూడండి:వీధి శునకాలంటే మహా ప్రేమ- 15 ఏళ్లుగా రోజూ మాంసాహారం!