అగ్నికి ఆహుతి అవుతున్న గుడిసెలు
గుజరాత్, ఆనంద్ నగర్లోని మురికివాడలో జరిగిన అగ్నిప్రమాదంలో సుమారు 80 గుడిసెలు దగ్దమయ్యాయి. మంగళవారం ఉదయం 9 గంటలకు ఈ ప్రమాదం జరిగిందని అధికారులు తెలిపారు. నాలుగు సిలిండర్లు పేలినందున మంటల తీవ్రత మరింత పెరిగిందని వెల్లడించారు. ఎలాంటి ప్రాణనష్టం జరగలేదని పేర్కొన్నారు.
ఘటనా స్థలికి చేరుకున్న పోలీసులు.. ప్రజలను సురక్షిత ప్రదేశానికి తరలించారు. మంటలను అదుపు చేయడానికి అగ్ని మాపక సిబ్బంది రంగంలోకి దిగారు.