జాతీయ జెండా కప్పినందుకు ఎఫ్​ఐఆర్​

ఉత్తర్​ప్రదేశ్​ పోలీసులు ఓ రైతు కుటుంబంపై ఎఫ్​ఐఆర్​ ​నమోదు చేశారు. జాతీయ జెండాను అన్నదాత శవంపై కప్పడమే ఇందుకు కారణమని తెలిపారు.

జాతీయ జెండాను అవమానించారంటూ ఓ రైతు కుటుంబంపై పోలీసులు ఎఫ్ఐఆర్​ నమోదు చేశారు. ఈ ఘటన ఉత్తర్​ప్రదేశ్​లో జరిగింది.

ఇదీ జరిగింది

బారీభుజి​యా గ్రామానికి చెందిన బల్​జింద్రా అనే వ్యక్తి.. దిల్లీ- గాజీపుర్​ సరిహద్దు వద్ద జరుగుతోన్న ఆందోళనలో పాల్గొనడానికి తోటి స్నేహితులతో కలసి జనవరి 23న వెళ్లాడు. అయితే జనవరి 25న జరిగిన రోడ్డు ప్రమాదంలో అతను మృతి చెందాడు. దీంతో గుర్తుతెలియని మృతదేహంగా శవాగారంలో భద్రపరిచారు. అయితే ఈ విషయం గురించి అతని కుటుంబ సభ్యలకు ఫిబ్రవరి 2న తెలిసింది. మార్చరీ కొచ్చిన కుటుంబ సభ్యులు అతని మృతదేహాన్ని జాతీయ జెండాతో కప్పి అమరవీరుడిలా అంతిమ యాత్రకు తీసుకెళ్లారు.

దీనికి సంబంధించిన వీడియో సామాజిక మాధ్యమాల్లో వైరల్​ కావడం వల్ల పోలీసులకు తెలిసింది. నిబంధనల ప్రకారం ఒక చనిపోయిన పౌరుడిపై దేశ జెండా కప్పి అంతిమ సంస్కారాలకు తీసుకెళ్లడం నేరమని ఎస్పీ జై ప్రకాశ్​ యాదవ్​ అన్నారు. దీంతో బల్​జీంద్రా తల్లి జస్​విక్​ కౌర్​, సోదరుడు గురువిందర్​తో పాటు మరో వ్యక్తిపై ఎఫ్ఐఆర్​ నమోదు చేశామని తెలిపారు.

ఇదీ చూడండి:సాగు చట్టాలపై వెనక్కి తగ్గని విపక్షాలు- లోక్​సభ వాయిదా